Анри Лафонтен

Wikipedia — ирекле энциклопедия проектыннан
Моңа күчү: навигация, эзләү
Анри Лафонтен
фр. Henri La Fontaine

Һөнәре юрист
Туу датасы 22 апрель 1854(1854-04-22)
Туу җире Брюссель
Ватандашлыгы Бельгия байрагы Бельгия
Үлем датасы 14 май 1943(1943-05-14) (89 яшь)
Үлем җире Брюссель
Бүләк һәм премияләре Nobel prize medal.svg Тынычлык өчен Нобель премиясе

Анри Лафонтен (фр. Henri La Fontaine; 22 апрель 1854 ел14 май 1943) — бельгияле юрист, Халыкара тынычлык бюросының 1907-1943 елларда рәисе, 1913 елда Тынычлык өчен Нобель премиясе лауреаты.

Биография[үзгәртү]

Анри Лафонтен 1854 елда Брюссельда туа. 1877 елда Брюссель Ирекле университетын хокук докторы дәрәҗәсе белән тәмамлап, Брюссель апелляция мәхкәмәсендә адвокат булып эшли башлый. 1893 елда халыкара хокук профессоры дәрәҗәсен ала һәм ике елдан Бельгия Сенатына Социалистик фирка әгъзасы буларак сайлана. 1919 елдан 1932 елга кадәр Сенатның вице-рәисе вазифасында эшли. 1895 елда Поль Отле белән бергә Документация Палатасына нигез сала, ә соңрак Отле белән хезмәттәшлек итеп, мәгълүмат классификациясе системасын төзи (соңрак ул Универсаль унарлы классификация дип атала башлый).

Интернационалист буларак, Лафонтен Милләтләр Лигасын яклап чыгышлар ясый, шулай ук коралсызландыруның файдалы якларын һәм халыкара бәхәсләрне арбитраж аша хәл итүне яклый. Ул Халыкара тынычлык бюросы эшендә катнаша, 1907 елдан аның рәисе була. Үзенең эшчәнлеге өчен, 1913 елда «Аурупада тынычлык өчен халык хәрәкәтенең чын лидеры буларак» Тынычлык өчен Нобель премиясе белән бүләкләнә. Лафонтен 1919 елгы Париж солых конференциясендә Бельгия делегациясе әгъзасы була, 1920 елда Милләтләр Лигасы ассамблеясында үз иленең вәкиле булып тора.

Анри Лафонтен 1943 елда Брюссельда вафат була.

Сылтамалар[үзгәртү]