Башкыбаш

Башкыбаш
Халык саны	252 (2010)
География
Ил	Россия
Координатлар	56°7'1"тн, 55°41'40"кнч
Почта индексы	452845

Башкыбаш - Тәтешле районы үзәгеннән еракта урнашкан авылларның берсе һәм бердәнбер мари авылы. Аңа 1742 елда күченеп килгән чирмешләр нигез салган.

Башкибаш елгасы буенда барлыкка килгән бу авыл зур үсеш ала. 1920 елда үткән җанисәп документларыннан күрененгәнчә, ул чакта монда 121 хуҗалыкта мари милләтеннән булган 602 кеше яшәгән.

Гражданнар сугышы, утызынчы еллардагы күмәк хуҗалыклар төзү чоры авыл халкына зур кыенлыклар китерсә дә, мондагы чирмешләр ата-бабалары сайлап алган төбәкне ташлап китмәгән. Бөек Ватан сугышына башкыбашлар 85 ир-егет озаткан, аларны 30ына гына туган төбәгенә әйләнеп кайту насыйп булган.

Әле монда 250ләп кеше яши (Кызыл таң битләреннән).