Бөекбритания

Бөек Британия һәм Төньяк Ирландия Берләшкән Патшалыгы United Kingdom of Great Britain and Northern Ireland United Kingdom Бөек Британия Байрак Герб Девиз: Dieu et mon droit Гимн: God Save the Queen Дәүләт төзелеше унитар дәүләт Рәсми тел инглиз теле Башкала Лондон Эре шәһәрләр Лондон, Бирмингем, Глазго, Манчестер, Эдинбург, Ливерпуль Патша Елизавета II Премьер-министр Дэвид Кэмерон Мәйдан – Барлыгы – % Су 244 820 км² 1,3% Халык саны – Барлыгы (2007) – Тыгызлык 60 776 238 кеше 247 кеше/км² Акча Фунт стерлинг Тулаем милли продукт $2,833 трлн. ТМП кеше башына $46 432 Вакыт UTC +0 Интернет домены .uk .eu Телефон коды +44

Бөе́к Брита́ния (инг. Great Britain, United Kingdom), тулы исеме Бөе́к Брита́ния һәм Төнья́к Ирла́ндия Берләшкә́н Патшалыгы́ (инг. United Kingdom of Great Britain and Northern Ireland) — Көнбатыш Аурупада урнашкан утрау-дәүләт. Бөек Британия һәм Ирландия утрауларында урнаша. Башкаласы — Лондон шәһәре.

Бөекбритания — Аурупаның иң алдынгы дәүләтләренең берсе. Берләшкән Милләтләр Оешмасының Иминлек Шурасында даими әгъза. Атом-төш коралына ия. XIX гасырда — XX гасыр башында дөньяның иң зур дәүләте булып саналган Британ империясе варисы. Аурупа берлегенә һәм НАТОга керә.

Бөекбританиянең дәүләт төзелеше — парламент системалы конституцион монархия. Унитар дәүләт. Бөекбритания дүрт өлештән тора: Англия, Төньяк Ирландия, Шотландия һәм Уэльс. Шулай ук Бөекбританиянең 14 диңгез арты территориясе бар. Империя заманыннан калган дәүләтнең башка күп кенә илләргә тәэсире тел, мәдәният, идарә итү системасында һаман саклана.

Географик мәгълүмат

Бен-Невис тавы

Бөекбритания Британ утрауларында һәм Ирландия утравының төньяк өлешендә урнашкан. Шулай ук Бөекбритания территорияләренә кече утраулар һәм архипелаглар, Норманд утраулары керә. Бөекбритания Атлантик океан тарафыннан юыла.

Бөекбритания мәйданы — 244 820 км², коры җир мәйданы 240 590 км², ә эчке сулар 3 230 км² тәшкил итә. 1993 ел мәгълүматларына күрә коры җирнең 10 %-ы урманнар белән капланган, 25 %-ы авыл хуҗалыгы өчен кулланылган. Ярларның озынлыгы 17 820 км тәшкил итә. Утрауның көньяк яры Аурупа белән 50 км озынлыгы булган Евротоннель буенча тоташкан. Төньяк Ирландиянең Ирландия дәүләте белән 360 км озынлыгы булган чикләре бар.

Лондонда урнашкан Гринвич обсерваториясе баш меридиан (нуль меридиан) булып билгеләнә.

Илнең иң биек ноктасы — Бен-Невис тавы (инг. Ben Nevis; 1343 м).

Сәясәт

Парламент

Берләшкән Патшалыкның югары канун чыгару органы – Бөекбритания һәм Төньяк Ирландия Берләшкән Патшалыкның парламенты (Parliament of the United Kingdom of Great Britain and Northern Ireland). Аның башлыгы – Британия патшасы. Парламент ике палатадан тора: Югары бүлмә (Лордлар палатасы) һәм аскы бүлмә (Җәмгыять палатасы).

Халык

Халык саны

1900 елдан 2007 елга кадәр Бөекбритания халкының саны:

Ел	Халык саны (кеше)
1900	35 405 900
1949	50 300 000
1959	51 900 000
1976	55 900 000
1998	59 100 000
2004	59 834 900
2005	60 441 457
2007	60 776 238

Әдәбият

Күбесенчә Бөекбритания әдәбиятын инглиз әдәбияты тәшкил итә.