Венера Гәрәева
| Венера Гәрәева | |
|---|---|
 | |
| Туган телдә исем | Венера Хәсән кызы Гәрәева |
| Туган | 25 июнь 1943 СССР, РСФСР, ТАССР, Саба районы, Сүлә |
| Үлгән | 26 октябрь 2020 (77 яшь) РФ, ТР, Казан |
| Милләт | татар |
| Ватандашлыгы |  СССР  РФ |
| Һөнәре | хор дирижеры |
| Бүләк һәм премияләре | Татарстан АССР халык артисты (1987) |
Венера Хәсән кызы Гәрәева — татар хорлары дирижеры, Татарстан АССР халык артисты (1987).
Тәрҗемәи хәле[үзгәртү | вики-текстны үзгәртү]
1943 елның 25 июнендә ТАССРның Саба районы Сүлә авылында туа[1]. Алабуга культура-агарту училищесында (2013 елдан көллият) укый. Җыр һәм бию ансамбле җитәкчесе Җәүдәт Айдаров, аны шунда табып, 1961 елда ансамбльгә алып кайта да. Венера Гәрәева ансамбльдән нибары өч елга аерылып тора: туган ягы — Сабага кайтып музыка мәктәбендә эшли.
1972 елда Сабадан Казанга Җыр һәм бию ансамбленең хормейстеры булып кайта — композитор Александр Ключаревның өндәвенә каршы тора алмый. 1974 елдан башлап Казан музыка укуханәсендә белем бирә.
2020 елның 26 октябрендә иртәнге якта дәвамлы авырудан соң, COVID-19 ны кичереп, Казандагы хастаханәдә вафат.
Иҗаты[үзгәртү | вики-текстны үзгәртү]
Венера Гәрәева җитәкчелегендәге ансамбльләр төрле бәйгеләрдә катнашкан һәм беренче урыннар яулаган:
- "Нәүрүз" квартеты Халыкара Рәшит Ваһапов исемендәге конкурсның лауреаты (2007, 2008 еллар)
- Ирләр триосы Халыкара фольклор конкурсы лауреаты (Петербург, 2007 ел)
Венера Гәрәевә даими рәвештә Вафирә Гыйззәтуллина һәм Әлфия Авзалова конкурсларына жюри буларак чакырылган.
Искәрмәләр[үзгәртү | вики-текстны үзгәртү]
Чыганаклар[үзгәртү | вики-текстны үзгәртү]
- Гараева Венера Хасановна. music-college.ru. 2020-07-27 тикшерелгән.
- Татарстанның халык артисты, педагог Венера Гәрәева вафат Азатлык радиосы, 26.10.2020
