Газзә

Газзә Байрак Герб Герб Ил Фәлистыйн автономиясеФәлистыйн автономиясе Провинция ГаззәГаззә Нигезләнде б.э.к. XV гасыр Мәйдан 45 км² Халык саны 409 680 кеше (2006) Милли состав гарәпләр Дини состав мөселманнар

Газзә (гарәп. غزة‎, ивр. עזה) — Фәлистыйн автономиясенең Газзә секторында урнашкан шәһәр. Халык саны якынча 410 мең кеше. Фәлистыйн автономиясенең халык саны буенча иң эре шәһәре.

Секторда Газзә шәһәренең урнашуы

Тарих

Шәһәрнең 5 мең еллык тарихы бар. Б.э.к. XII гасырда шәһәрне Крит утравыннан килгән борынгы фәлистыйнлы халкы яулап ала.

• Б.э.к. 332 елда шәһәр Александр Македонский тарафыннан яулап алына һәм тора-бара эллинлаша. Соңрак шәһәр римлылар, аннары византиялеләр кулына төшә.
• VII гасырның беренче яртысында Газзә барлык Фәлистыйн территориясе белән бергә Ислам хәлифәлеге составына керә.
• 1517 елда шәһәрне Госманлы дәүләте падишаһы Сәлим I яулап ала.
• 1798 елда шәһәр Наполеон Бонапарт кулына төшә. Озак үтми ул кире төрекләр идарәсе астына кайта.
• 1832 елда аны Мисыр яулап ала һәм сигез ел дәвамында шәһәр алар кулында була (1841-1917 яңадан төрекләр идарәсе астында).
• 1917 елда инглизләр төрекләрне Газзә өчен сугышта җиңгәннән соң шәһәр Бөекбританиянең Фәлистыйн мандатына кертелә. 1947-1949 еллардагы гарәп-яһүди сугышы дәвамында Газзә территорияләрен Мисыр яулап ала.
• 1967 елда Алты көнлек сугыш нәтиҗәсендә шәһәр Израиль тарафыннан тартып алына һәм әлегәчә аларның кулында кала бирә.

Кардәш шәһәрләр

• Барселона (исп. Barcelona), Испания
• Дюнкерк (фр. Dunkerque), Франция
• Турин (ит. Torino), Италия
• Кашкайш (порт. Cascais), Португалия
• Агадир (гарәп. غادير‎), Марокко
• Тромсё (норв. Tromsø), Норвегия