Гибралтар

Гибралтар
Gibraltar

Гибралтар байрагы Гибралтар гербы 36.133333, -5.35
Девиз: «Nulli Expugnabilis Hosti»
Гимн: «Гибралтарның милли гимны»
Рәсми тел	инглиз
Башкала	Гибралтар
Зур шәһәрләр	Гибралтар
Идарә итү формасы	Британ җире
Британ монархы Губернатор Баш Министр	Елизавета II Фрэнсис Ричардз Питер Каруана
Мәйдан • Барлыгы • % су өслеге	Дөнья буенча 234 нче урында 6.8 км² 0
Халык • Тикшерү (2009) • Тыгызлыгы	29,431 кеше (212-нч.) 4,328 кеше/км²  (5-нч.)
Акча берәмлеге	Гибралтар фунты
Интернет-домен	.gi
ISO коды	GI
Телефон коды	+350
Сәгать поясы	+1 / җәйге вакытта +2

Гибралта́р (инг. Gibraltar [dʒɪˈbrɔːltɚ]) — Пиреней ярымутравының көньягында урнашкан Бөекбритания территориясе. Урта диңгезне һәм Атлантик океанны тоташтырган Гибралтар бугазында мөһим стратегик позицияне били. НАТОның хәрби-диңгез базасы.

Гибралтар ватандашлары — бер үк вакытта Бөекбритания һәм Аурупа Берлеге ватандашлары. Алар Аурупа парламенты сайлауларында катнаша алалар, ләкин Гибралтар җирендә Шенген килешүе һәм кайбер башка АБ кагыйдәләре гамәлдә түгел.

Гибралтар — Аурупада маготлар (кыргый маймуннар) яшәгән бердәнбер урын. Җирле ышанулар буенча соңгы магот үлгәнгә кадәр Гибралтар Бөекбритания территориясе булыр.

Тарих

Гибралтар тарихы гаять бай һәм үз эченә 3000 елны ала. Финикиялеләрнең һәм карфагенлыларның бу җирләрдә корабларны калдырулары билгеле. Рим империясе вакытында да Гибралтар аның җирләренә кергән.

Озак вакыт буенча Гибралтарга гарәпләр сахип чыкканнар. Алар бу җирләрне 711 елда яулыйлар. 1462 елда Испания бу җирләрне басып ала, ләкин 1704 елда Гибралтарны инглиз гаскәрләре яулый. 1713 ел килешүенә күрә Гибралтар Бөекбритания җире булып таныла.

1830 елда Гибралтар колония статусын ала. 1967 елның 10 сентябрендә үткәрелгән референдумда Гибралтар ватандашлары Бөекбританиядә калу өчен тавыш биргәннәр.

Фотосурәтләр

• 

  Иярчен фотосурәте

• 

  Гибралтар манзарасы

• 

  Гибралтар һава аланы

• 

  Маготлар

Сылтамалар

• Гибралтар хөкүмәтенең рәсми сайты (ингл.)
• Гибралтар турында тулы мәгълүмати портал (ингл.)