Гыйз-әл Габид

Wikipedia — ирекле энциклопедия проектыннан
Моңа күчү: навигация, эзләү
Гыйз-әл Габид
Тулы исеме Гыйззәтулла Лотфулла улы Габидуллин
Һөнәре шагыйрь, хәрби
Туу датасы 1 июль 1918(1918-07-01)
Туу җире Ырынбур өлкәсе, Тоцк районы, Хөсәен
Милләте татар
Үлем датасы 1955 ел(1955)
Үлем җире Урта Азия

Гыйз-әл-Габид (Гыйззәтулла Лотфулла улы Габидуллин) (1918-1955) — Бөек Ватан сугышы катнашучысы, татар шагыйре.

Тәрҗемәи хәл[үзгәртү]

Фронтовик шагыйрь Гыйз-әл-Габид (Гыйзәтулла Лотфулла улы Габидуллин) 1918 елның 7 гыйнварында Оренбур өлкәсенең Тоцк районы Хөсәен авылында урта хәлле крәстиян гаиләсендә туа. Җидееллык авыл мәктәбен тәмамлаганнан соң, 1935-1937 елларда Богырыслан педагогия техникумында укый. Укуын тәмамлагач, ике елга якын Башкортостанда укытучы булып эшли.

Бөек Ватан сугышында[үзгәртү]

1939 елда армиягә алынып, Ерак Көнчыгышта хезмәт итә. Ватан сугышында катнаша, гади солдат, соңыннан фронт газетасы хәбәрчесе-офицер сыйфатында Ленинградтан алып Финляндия һәм Төньяк Норвегиягә кадәр сугышчан юл уза; фашистлар Германиясе җиңелгәч, яңадан Ерак Көнчыгышка җибәрелеп, Япониягә каршы сугыш хәрәкәтләрендә катнаша.

1946 елдан армиядән кайткач, Гыйз-әл-Габид Урта Азиядә яши, балалар укыта. Ватан сугышында алган яралардан сәламәтлеге какшаган фронтовик 1955 елда вакытсыз вафат була.

Иҗат[үзгәртү]

Шагыйрьнең зур булмаган әдәби мирасы (иллеләп шигыре) Ватан сугышы чоры солдат поэзиясенең бер сәхифәсе буларак әһәмиятле. Аның шигырьләре окопта, сугыш тынып торган ял вакытларында, Төньякның кырыс таш-таулары арасында языла. Аларда сугыш чынбарлыгы, шагыйрь үзе кичергән, үзе күргән вакыйгалар тәэсирендә туган күңел кичерешләре, гадел сугыш алып барган солдатның җиңүгә булган ышанычы, ватандарлык хисләре поэтик чагылыш таба.

Гыйз-әл-Габид иҗат мирасыннан бер төркем шигырьләр “Алар сафта” (1961, 1985) һәм “Беренче карлыгачлар” (1968) исемле күмәк җыентыкларда басылып чыга.

Сылтамалар[үзгәртү]

  • Әлфия Җамали “ЯВ”, 10/01/2013