Елена Боннэр

Wikipedia — ирекле энциклопедия проектыннан
Моңа күчү: навигация, эзләү
Елена Боннэр

Сулдан уңга: Eлена Боннэр, Андрей Сахаров, Софья Каллистратова (1986 ел)
Тулы исеме Елена Георгиевна Боннэр
Һөнәре җәмәгать эшлеклесе, хокук яклаучы
Туу датасы 15 февраль 1923(1923-02-15)
Туу җире Мерв, Төрекмәнстан
Ватандашлыгы Калып:URS, АКШ байрагы АКШ
Үлем датасы 18 июнь 2011(2011-06-18) (88 яшь)
Үлем җире Бостон, АКШ
Ире 1) И. Семенов
Андрей Сахаров

Елена Георгий кызы Боннэр (рус. Еле́на Гео́ргиевна Бо́ннэр) — ССРБ һәм Русия җәмәгать эшлеклесе, диссидент, хокук яклаучы һәм публицист. Андрей Сахаровның җәмәгате.

Ул 1923 елның 15 февралендә Төрекмәнстанда, большевиклар гаиләсендә туа. 1937 елда аның әтисе дә, әнисе дә Сталин режимы тарафыннан репрессияләнә, төрмәдән исән килеш әнисе генә кайта. 1941 елда Елена үз теләге белән сугышка китә, анда шәфкать туташы булып хезмәт итә, каты яралана.

Сугыштан соң Боннэр Ленинградтагы медицина институтына керә. Сталин хакимиятенә карата тәнкыйди сүзләр әйткәне өчен ул бу уку йортыннан куып чыгарала, Сталин вафат булганнан соң гына яңадан анда кайтарыла. 1965 елда коммунистлар фиркасенә кушыла, әмма 1972 елда аннан чыга һәм кеше хокукларын үтәүне даулаган совет диссидентлары сафына кушыла. Соңрак үзенең компартиягә керү адымын Боннэр үз тормышындагы иң зур хата дип атый.

1972 елда ул күренекле диссидент, академик Андрей Сахаровка кияүгә чыга. 1975 елда Ослода (Норвегия) Тынычлык өчен Нобель премиясен алу тантанасында вәкиллек итә.

1976 ел маенда Боннэр белән Сахаров Мәскәү Һельсинки төркемен оештыру мөрәҗәгатен имзалый, 1980 елда академик Сахаров белән бергә Горький шәһәренә сөргенгә җибәрелә. Аннан алар Горбачев карары белән 1986 елның декабрендә генә кайтарыла.

ССРБ таркалып, Русия җитәкчелегенә либераллар килгәннән соң, Елена Боннэр Русия президенты каршындагы Кеше хокуклары комиссиясендә әгъза булып тора, әмма 1994 елның 28 декабрендә аннан чыга — шушы адымын ул, чечен сугышын башлаган режим белән хезмәттәшлек итә алмавы белән аңлата.

Соңгы елларында ул Америка Кушма Штатларында яши, ләкин Русиядәге иҗтимагый-сәяси хәлләрне һәрдаим күзәтеп бара. Мәсәлән, 2010 ел мартында ул «Путин китәргә тиеш!» дигән мөрәҗәгатькә беренче булып имзасын куйды.

Елена Боннэр 2011 елның 18 июнендә Бостон шәһәрендә вафат була.

Чыганаклар[үзгәртү]