Кәрим Хәкимов

Wikipedia — ирекле энциклопедия проектыннан
Моңа күчү: навигация, эзләү
Кәрим Хәкимов

Тулы исеме Кәрим Габдрәүф улы Хәкимов
Һөнәре сәяси эшлекле
Туу датасы 28 ноябрь 1882(1882-11-28)
Туу җире Уфа губернасы, Бәләбәй өязе, Дүсән авылы
Ватандашлыгы Русия империясе, СССР
Үлем датасы 10 гыйнвар 1938(1938-01-10) (55 яшь)
Үлем җире Мәскәү, Бутово

Кәрим Габдрәүф улы Хәкимов, яки «Кызыл паша» (рус. Кари́м Абдрау́фович Хаки́мов («Красный паша́»), کریم حاكم) — күренекле совет дипломаты һәм ижтимагый-сәяси эшлеклесе.

Кәрим Хәкимов - Совет Русиясенең гарәп илләрендәге беренче вәкаләтле вәкиле. Советлар Союзы белән гарәп-фарсы дәүләтләре арасында җылы мөнәсәбәт урнаштыруда әһәмиятле урын алып тора.

Биография[үзгәртү]

1882 елның 28 ноябрендә Уфа губернасының Бәләбәй өязендә, Дүсән авылында (хәзерге Башкортстанның Бишбүләк районы) туа.

1908 елда данлыклы Каргалы бистәсе мәдрәсәсендә укый.

19201921 елларда Уфадагы Галия мәдрәсәсендә белем ала.

1917 елда Томск шәһәрендә гимназияне тәмамлый.

Кәрим Хәкимов хатыны Хәдичә, улы Шамил белән

Кәрим Хәкимов Гражданнар сугышында катнаша. 1920 елда В.В.Куйбышев киңәше буенча Чит ил эшләре Халык Комиссариатында дипломатик эшкә урнаша.

Октябрь, 1921июль, 1924Иранның (Фарсы) Мәшһәд, Рәшт шәһәрләрендә СССРның Генераль консулы. 1924 елда Согуд Гарәбстаны Корольлегендә СССРның Генераль консулы була.

1925 елда Хәкимов Мәккәгә кече хаҗ - гомрә кыла. Бу гамәле белән ул гарәп идарәчеләренең ихтирамын казана.

16 февраль, 1926 ел — СССР беренче булып Согуд Гарәбстаны дәүләтен таный.

19261928 елларда СССРның Согуд Гарәбстанында вәкаләтле илчесе. 19291931 елларда - Йәмәндә шул ук вазифаны үти.

19321935 елларда Мәскәүдә Кызыл профессура институтында укый.

19361937 елларда яңадан Согуд Гарәбстанында СССРның вәкаләтле илчесе.

1937 елның 6 сентябрендә Мәскәүгә чакыртып алына. Шул ук елның 11 ноябрендә ялган әләк буенча кулга алына, 1938 елның гыйнварында атып үтерелә.