Мастер һәм Маргарита (фильм, 1989)

Wikipedia — ирекле энциклопедия проектыннан
Моңа күчү: навигация, эзләү
Mistrz I Małgorzata
Мастер һәм Маргарита
Файл:Mistrz I Małgorzata movie poster.jpg
Режиссер Мацей Войтышко
Уйнаучы йолдызлар Густав Холоубек, Владислав Ковальский, Анна Дымна
Дөнья күрү 1990 ел
Озынлык 370 мин
Ил Польша
Тел поляк теле

«Мастер һәм Маргарита» (пол. Mistrz i Małgorzata) — Мацей Войтышконың «Мастер һәм Маргарита» романы буенча дүрт серияле телефильмы. Фильм тамашачылар һәм тәнкыйтьчеләр арасында уңай фикерләр тудырган. Премьерасы 1990 елның 20 мартында булган.

Сюжет[үзгәртү]

Мастер — 1930 — нчы елларда, Мәскәүдә яшәүче талантлы язучы. Ул Понтий Пилат турындагы роман кулъязмасы өстендә эшли. Иблис — Воланд һәм аның иярченнәре Мастерны эзәрлеклиләр, аны күзәтәләр һәм куркыталар. Шуның аркасында Мастер паранойя белән авырый башлый һәм психиатрия клиникасына эләгер алдыннан кулъязманы утка ыргыта. Аның ярдәмчесе һәм музасы Маргарита Иблиснең гадәттән тыш сәләтләрен Мастерны коткару өчен куллана.

Фильм турында[үзгәртү]

Поляклар, гомумән, Михаил Булгаковны укырга яраталар. Мәсәлән, аның күп кенә әсәрләрен алар 20-30 нчы елларда поляк басмасында укыганнар. Бу фильм да «Мастер һәм Маргарита» романының беренче поляк экранизациясе түгел. 1971 елда ук Анджей Вайда романның тарихи бүлекләрен «Пилат һәм башкалар» фильмында күрсәткән була.

Бу фильм — телевизион фильм, ул телеспектакль рәвешендә төшерелгән. Шунысы кызык, Анджей Вайда фильмыннан аермалы буларак, монда махсус эффектлар кулланылмый диярлек, ләкин Мацей Войтышко бик яхшы актерлар составы тапкан. Поляк тәнкыйтьчеләренә бу фильм бик хуш килгән.

Телефильм 4 сериядән тора:

  1. «Кара магия сеансы»
  2. «Мастер»
  3. «Маргарита»
  4. «Саубуллашу»

Рольләрдә[үзгәртү]

Сылтамалар[үзгәртү]