Наталья Комарова

Наталья Комарова
Туган телдә исем	Наталья Владимир кызы Комарова
Туган	21 октябрь 1955(1955-10-21) (68 яшь) Псков өлкәсе Язво авылы
Милләт	рус
Ватандашлыгы	ССРБ ССРБ→ Русия Русия
Әлма-матер	Донбасс дәүләт техника университеты[d]
Һөнәре	дәүләт эшлеклесе-губернатор
Сәяси фирка	Бердәм Русия
Балалар	кызлары Наталия, Ирина
Бүләк һәм премияләре
Сайт	http://komarovanatalya.livejournal.com/
Наталья Комарова Викиҗыентыкта

Наталья Комарова
Хант-Манси АО губернаторы
Вазыйфада 2015 ел – гамәлдә
Аңа кадәр	үзе, губернатор в.б. сыйфатында
Хант-Манси АО губернаторы
Вазыйфада 2010 ел – 2015 ел
Аңа кадәр	Александр Филипенко
Дәвамчысы	үзе, губернатор в.б. сыйфатында
Туган	21 октябрь 1955(1955-10-21) (68 яшь) Язьво[d], Плесново вулысы[d], Гдов районы, Псков өлкәсе, РСФСР, СССР
Белем	Донбасс дәүләт техника университеты[d]

Википедиядә шундый фамилия белән башка кешеләр турында мәкаләләр бар: Комарова.

Наталья Комарова (Наталья Владимир кызы Комарова, рус. Наталья Владимировна Комарова) — Россия дәүләт эшлеклесе, Югра — Хант-Манси автономияле округы губернаторы (2010-2015). Россия Дәүләт думасының III (2001–2003), IV (2003–2007), V (2007–2010) чакырылыш депутаты.

Тәрҗемәи хәле

В.В. Путин белән. Мәскәү. 27.02.2015

1955 елның 21 октябренда Псков өлкәсе Язво авылында туган. Урта мәктәпне Болгариядә бетергән. Коммунарск (Украинада: Алчевск) тау-металлургия институтын «инженер-икътисадчы» белгечлеге буенча тәмамлаган (1978). 1980 елдан Яңа Уренгойда яши.

Хезмәт юлы

• 1978 Коммунарск металлургия заводында хезмәт буенча техник, икътисадчы.
• 1980–1988 Яңа Уренгой шәһәр шурасы башкарма комитетында эшли.
• 1988–1992 шәһәр башкарма комитеты рәисе урынбасары, шәһәр план комиссиясе рәисе.
• 1992–1994 Яңа Уренгой шәһәр хакимияте башлыгының беренче урынбасары.
• 1994–1997 Яңа Уренгой хакимияте башлыгы.
• 1997–2000 Яңа Уренгой мэры.
• 2000–2001 Ямал-Ненец автономияле округы губернаторының беренче урынбасары.
• Төп административ эше белән беррәттән Төмән дәүләт нефть һәм газ университеты социаль менеджмент кафедрасы доценты булып эшли.
• 2010–2015 Хант-Манси автономияле округы губернаторы. 2015 елның 27 февраленнән губернатор вазыйфаларын башкаручы.

Иҗтимагый эшчәнлеге

• 2001 III чакырылыш Россия Дәүләт думасына (дипломатия эшенә киткән Виктор Черномырдин урынына) сайлана. «Ватаным-Бердәм Россия» фракциясе әгъзасы була.
• 2003 IV чакырылыш Россия Дәүләт думасына сайлана. «Бердәм Россия» фракциясе әгъзасы, Табигый чыганаклар һәм табигатьтән файдалану комиссиясе рәисе була.
• 2007–2010 V чакырылыш Россия Дәүләт думасына сайлана («Бердәм Россия» сәяси фиркасе федераль исемлеге буенча). «Бердәм Россия» фиркасенең генераль шурасы әгъзасы.
• 1999 РФ муниципаль берәмлекләре конгрессы идарәсе әгъзасы итеп сайлана.
• 2000 елның маеннан Аурупаның җирле һәм региональ хакимиятләр конгрессының җирле хакимиятләр пулатында РФ вәкиле. Җирле хакимиятләр пулатының тыныч үсеш буенча комитетының вице-президенты.

Бүләкләре, мактаулы исемнәре

• Дуслык ордены (1998).
• Хөрмәт ордены (2006).
• III дәрәҗә Изге равноапостоллы княгиня Ольга ордены (православие чиркәве ордены) (2013).
• Яңа Уренгой шәһәренең хөрмәтле ватандашы.
• 1997 Бөтенроссия «Хатын-кыз-97» конкурсында «Тигез хокуклар һәм тигез мөмкинлекләр» номинациясендә җиңүче.

Сылтамалар

• ХМАО-Югра хакимиятенең рәсми сайты 2015 елның 10 март көнендә архивланган.
• Наталья Комарованың Тере журналдагы блогы
• Ханты-Мансийскида ШОСның X юбилей сессиясе уза 2020 елның 8 август көнендә архивланган.