Nikolay Karotamm

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Nikolay Karotamm latin yazuında])
(Николай Каротамм битеннән юнәлтелде)
Nikolay Karotamm
Tulı iseme Nikolai Karotamm
Tuu datası 23 oktäber 1901(1901-10-23)
Tuu cire Pärnu, Lifländiä gubernası, Räsäy imperiäse
Ülem datası 21 sentäber 1969(1969-09-21) (67 yäş)
Ülem cire Mäskäw

Nikolay Karotamm (23 üktäber 1901, Pärnu, Lifländiä gubernası - 21 sintäber 1969, Mäskäw) - eston säwit däwlät eşleklese.

Tärcemäi xäle[үзгәртү | вики-текстны үзгәртү]

Kerästiän ğailäsendä tuğan. 1909-1915 tä Kastna cirkäw-mäxällä mäktäbendä, Pärnu yuğarı mäktäbendä, 1915-1917 häm 1919-1921 dä Rakvere uqıtuçılar siminariäsendä belem alğan. 1921-1923 tä eston ğäskäreneñ saqlaw bätälünendä xezät itkän. 1925 tä Nidirlandqa küçenä häm 1926 da cirle kamunistik partiäsenä kerä. 1926 ta Säwitlär Berlegenä küçenä, 1926-28 dä Yu. Marxlevski is. Könbatış milli azçılıqlarnıñ kamunistik univirsititında uqi. 1928 dän BKP(b) äğzası. 1928-29 tä Estonidä idän astı eşendä. SSRBğa qaytqaçtın uquın däwam itterä, 1931-35 tä Yu. Marxlevski is. Könbatış milli azçılıqlarnıñ kamunistik univirsititınıñ aspiranturasında uqi, ä 1933-36 da şul univirsititta uqıtuçı bulıp eşli. 1936-37 dä Кomintern başqarma kämititeneñ referentı, 1936-37 dä Liningratta jurnal möxärrire. Zur terror waqıtında qısqa waqıtqa qulğa alına. 1938-39 dä Liningrat maşinalar tözü zawutı diriktırı urınabasarı. 1940 ta "BKP(b)nıñ qısqa kursı"n estonçağa tärcemä itä häm eston-urıs süzlegen yasawda qatnaşa.

Estoniä SSRB tärkibenä kergännän soñ, Karotamm Eston Kompartiäseneñ (EKP) Tartu şähär kämititeneñ berençe särkätibe itep bilgelänä. Suğış waqıtında Estoniä partizan xäräkäteneñ üzäk ştabı başlığı bulğan. 1944-1950 dä - EKP üzäk kämititeneñ berençe särkätibe.

1949 da estonnarnı ESSRdan Sebergä meñläp sörülärdä turıdan-turı qatnaşa.

1950 dä "çistartular" kampaniäse barışında "kiräkmägan yomşaqlıq häm burjuaz millätçlelärne yäşerü" öçen wazifasınnan buşatıla.

Wazifasınnan buşatılğaçtın Mäskäwdä SBKF ÜK qarşındagı Cämğiät fännäre akadimiasendä (1950-51) uqığan, annarı SSRB FA qarşındağı İqtisad institutında eşlägän.

Çığanaqlar[үзгәртү | вики-текстны үзгәртү]