Огюст Беернарт

Wikipedia — ирекле энциклопедия проектыннан
Моңа күчү: навигация, эзләү
Огюст Беернарт

О.Беернарт 1909 елда
Тулы исеме Огюст Мари Франсуа Беернарт
нидерл. Auguste Marie Francois Beernaert
Һөнәре сәясәтче
Туу датасы 26 июнь 1829(1829-06-26)
Туу җире Остенде Бельгия
Ватандашлыгы Бельгия байрагы
Үлем датасы 6 октябрь 1912(1912-10-06) (83 яшь)
Үлем җире Люцерн, Швейцария
Хатыны Матильда Вильгельмина Мария Борель
Бүләк һәм премияләре Nobel prize medal.svg Тынычлык өчен Нобель премиясе

Огюст Мари Франсуа Беернарт (нидерл. Auguste Marie Francois Beernaert; 26 июнь 1829 ел Остенде Бельгия6 октябрь 1912 ел Люцерн, Швейцария) – бельгияле сәясәтче, 1884-1894 елларда Бельгия премьер-министры, 1909 елда Поль д’Этурнель де Констан белән бергә Тынычлык өчен Нобель премиясе лауреаты.

Биография[үзгәртү]

Огюст Беернарт 1900 елда

Беернарт Остенд каласында бай фламанд католигы гаиләсендә, 1829 елның 26 июнендә туа. Аның әтисе дәүләт җыемнары департаментында эшләгән була. Огюстның тууыннан соң озакламый, ул Намюрга күчерелә һәм анда иң хөрмәтле кешеләрнең берсе була. Огюст һәм аның сеңлесе хезмәтчеләр белән тулы йортта үсәләр.   Намюрның иҗтимагый мәктәпләре университетка керерлек белем биргәнгә, Огюст аерым укытучылардан дәрес ала, шулай ук аның белем алуына әнисе дә зур өлеш кертә. Әнисе ярдәмендә, яшь Беернарт  белемнәргә, хезмәткә һәм тырышлыкка бәйлелек тудыра. 1846 елда ул университетка укырга керә һәм биш елдан соң хокук докторы дәрәҗәсен ала. Ике ел буена Огюст Франция һәм Алмания университетларында йөреп, хокук өйрәтү системасын өйрәнә. Үзенең нәтиҗәләрен ул « Франция һәм Алмания университетларында хокук өйрәнүнең хәле» дигән докладында ачып бирә. Ул доклад Бельгия эчке эшләр министрына да күрсәтелә (1853 ел) һәм Беернарга күпмедер күләмдә атаклы булуны китерә.

Беернарт Бельгиянең 1899 һәм 1907 елгы Гаага конвенцияләренә кул куйганда вәкиле була. Даими арбитраж мәхкәмәсендә эшчәнлеге өчен, ул 1909 елда Тынычлык өчен Нобель премиясе белән бүләкләнә. (Поль д'Этурнель де Констан белән бергә).

Огюст Беернарт 1912 елның 6 октябрендә, Люцернда үпкә ялкынсынуыннан вафат була.

Чыганак[үзгәртү]