Равил Мотыйгулла улы Кәримов

Равил Кәримов
Туган телдә исем	Равил Мотыйгулла улы Кәримов
Туган	19 май 1952(1952-05-19) (71 яшь) Мостафа, Бакалы районы, БАССР, РСФСР, СССР
Милләт	татар
Ватандашлыгы	СССР → РФ
Һөнәре	янгыннан саклану хезмәте башлыгы
Ата-ана	Мотыйгулла Кәримов, сугыш ветераны (әти) Мәрхәбә Кәримова, тыл ветераны (әни)
Бүләк һәм премияләре	2 дәрәҗә "Ватан алдында казанышлары өчен" ордены

Банкир белән бутамагыз

Равил Кәримов, Равил Мотыйгулла улы Кәримов (1952 елның 19 мае, СССР, РСФСР, БАССР, Бакалы районы, Мостафа) ― Башкортстанның Уфа шәһәре шәһәр округы Янгыннан саклану идарәсе МБУ начальнигы, полковник. Россия Федерациясенең атказанган янгын сагы хезмәткәре (2021).

Тәрҗемәи хәле

1952 елның 19 маенда Башкортстан АССРның Бакалы районы Мостафа авылында туа. Мостафа мәктәбендә 8 сыйныфны бетергәч, Бакалыда техник училищеда тракторчы – машинист һөнәренә укый. Стәрлетамак дәүләт педагогия институтын, Свердловск янгынга каршы тору техник училищесын тәмамлый.

1970 - 1972 елларда хәрби хезмәтне үти.

Хезмәт юлы

• 1973 - 1974 елларда Стәрлетамакта № 17 янгыннан саклану бүлеге хезмәткәре.
• 1976 - 1979 елларда Стәрлетамакта № 19 янгыннан саклану бүлегенең каравыл башлыгы, өлкән инженеры.
• 1979 - 1984 елларда Башкортстан АССРның янгыннан саклану идарәсенең гражданнар саклануы һәм мобиль эшләр бүлегенең өлкән инженеры.
• 1984 - 1985 елларда Башкортстан АССРның янгыннан саклану идарәсенең бүлек җитәкчесе ярдәмчесе.
• 1985 - 1989 елларда Уфа шәһәренең № 3 янгыннан саклану бүлеге башлыгы.
• 1989 - 1991 елларда Башкортстан АССРның эчке эшләр министрлыгының янгыннан саклану дәүләт идарәсенең 10-хәрбиләштерелгән тәэмин итү отряды башлыгы.
• 1991 - 1994 елда Башкортстан АССРның эчке эшләр министрлыгының янгыннан саклану дәүләт идарәсенең бүлек башлыгы урынбасары.
• 1994 - 2006 елларда – Русиянең Башкортстан буенча гадәттән тыш хәлләр министрлыгының янгыннан саклану дәүләт идарәсенең 22-отряды башлыгы.
• 2006 елдан – Башкортстанның 22 санлы янгыннан саклану отряды (Уфа) дәүләт оешмасы башлыгы.

Янгыннан саклану буенча хезмәтләренә патентлары бар.

Бүләкләре, мактаулы исемнәре

• III дәрәҗә Изге кенәз Алексадр Невский ордены
• II дәрәҗә Ватан алдындагы хезмәтләр өчен ордены
• Салават Юлаев ордены (2009)
• “Янгыннан саклану хезмәте отличнигы”
• «Бакалы районының шәрәфле ватандашы»
• 2021 ― Россия Федерациясенең атказанган янгын сагы хезмәткәре

Бакалы якташлыгы оешмасында

Оешкан көненнән алып (1999), якташлыкның башкарма комитеты рәисе.

• Бакалы районының социаль – икътисади һәм мәдәни үсешенә зур өлеш кертә.
• Чәкәт - Урманай юлын сафка кертүне тәэмин итә.
• Туган авылы Мостафада һәм Иске Корычта янгын бүлеге һәм депосы ачуда ярдәм итә.
• Бакалы районы яшьләренең Уфаның дәрәҗәле югары уку йортларына, шул исәптән янгыннан саклану кафедрасына, керүен тәэмин итү өчен, районда вузларның әзерлек курсларын оештыруда катнаша.
• Якташларын Уфага мәдәни чараларга китертүне даими оештыра.

Үзенең “Мостафа чишмәләре” китабында туган авылының табигате, хөрмәтле шәхесләре турында олы мәхәббәт белән сөйли.

Чыганаклар

1. Андреев А.Г., Латыпова А.А. идр. Бакалинская земля: история и люди. Уфа, 2010. ISBN 978-5-85051-512-6
2. Каримов Р.М., Шокурова С.П.,Кусырева Ю.А.15 лет землячеству. Бакалы, 2014.