Радик Гайзатуллин

Wikipedia — ирекле энциклопедия проектыннан
Моңа күчү: навигация, эзләү
Радик Гайзатуллин
Тулы исеме Радик Рәүф улы Гайзатуллин
Һөнәре икътисадчы
Туу датасы 20 июль 1964(1964-07-20) (50 яшь)
Туу җире Яңа Тинчәле, Буа районы, ТАССР

Радик Рәүф улы ГайзатуллинТатарстанның дәүләт эшлеклесе, Татарстан финанс министры (2002 елдан). Икътисад фәннәре кандидаты, Татарстанның атказанган икътисадчысы (1996).

Ул 1964 елның 20 июлендә ТАССРның Буа районы Яңа Тинчәле авылында туа. 1985 елда «Бухгалтерлык хисабы һәм авыл хуҗалыгында хуҗалык эшчәнлеге анализы» белгечлеге буенча Казан авыл хуҗалыгы институтын тәмамлый. 1985-1986 елларда Совет Армиясе сафларында хезмәт итә. 1986-1988 елларда — Лаеш районы «Маяк» колхозында баш бухгалтер, 1988 елда — Лаеш районы агросәнәгать оешмасының контроль-ревизия эше буенча төп белгече, 1988-1999 елларда «Бөреле» Агрофирмасының баш бухгалтеры булып эшли.

1999 елдан башлап — дәүләт хезмәтендә. Башта Татарстан Республикасы финанс министрлыгының авыл хуҗалыгы һәм азык-төлекне финанслау бүлеге башлыгы, соңрак Татарстан финанс министры урынбасары һәм беренче урынбасары булып билгеләнә. 2002 елның 18 июнендә Татарстан Республикасы финанс министры булып эшли башлый.

Өйләнгән, улы һәм кызы бар.

Бүләкләр[үзгәртү]

  • «Русия Федерациясе финанс министрлыгының 200 еллыгы» медале (2002)
  • «Бөтенроссия халык исәбен алуны үткәрүдә күрсәткән хезмәте өчен» медале (2003)
  • «Санкт-Петербург шәһәренең 300 еллыгы истәлегенә» медале (2003)
  • «Төньяк флотына 70 ел» Истәлек билгесе (2004)
  • «Финанс хезмәте отличнигы» күкрәк билгесе (2004)
  • «Казаның 1000 еллыгы истәлегенә» медале (2005)

Шулай ук карагыз[үзгәртү]

Сылтамалар[үзгәртү]