Табан балыгы

Wikipedia — ирекле энциклопедия проектыннан
Моңа күчү: навигация, эзләү
Табан балык
Фәнни классификация
Патшалык: Хайваннар
Тип: Хордалылар
Сыйныф: Нурканатлы балыклар
Отряд: Карпсыманнар
Гаиләлек: Карплылар
Ыруг: Табан балык
Латин атамасы
Carassius
(Linnaeus, 1761)

Wikispecies-logo.svg

Викитөрләрдәге систематика

Commons-logo.svg
Рәсемнәр
Викиҗыентыкта

ITIS 163349
NCBI 7956

Табан балык яки кәрәкә (лат. Carassius) — карплылар балык гаиләлегенең ыругы. Аркадагы йөзгече озынча, йоткылык тешләре бер рәтле. Гәүдәсе биек, аркалары калын. Тәңкәсе эре һәм шома. Төсе яшәү урынына карап үзгәрә. Алтын табан буйга 50 см һәм 3 кг авырлык җыя ала, көмеш табан – 40 см һәм 2 кг. 3-4 яшькә җитлегә. Язын үсемлекләр өстенә уылдык чәчә (300 меңгә кадәр).

Табан балык күбесенчә сазлы һәм уйсулык күл һәм елгаларда яши. Кырыс табигать шартларында кышкы йокыга тала, сулыкның төбенә хәтле катуына да чыдый.

Табан балык акмый торган суда да яши. Ул азыкка бик талымсыз: озынборын личинкасын да, суалчанны да, кечкенә моллюскларны да, суүсемнәрнең вак кисәкләрен дә, хәтта ләм дә ашый.

Аквариумда яисә бассейнда яши торган алтын балыкларның нәсел башы — табан балык. Кайчандыр Көнчыгыш илләрендә йортны бизәү өчен сулы вазаларда табан балык тотканнар. Һәвәскәрләр төсләре буенча табан балыкларның төрле булуларына игътибар иткән. алар арасында алтынсыман тәң-кәлеләре дә, бронзасыман, кызгылт һәм көмешсыман тәңкәлеләре дә очраган. нәтиҗәдә галимнәр төсе һәм формасы ягыннан төрле-төрле балыклар уйлап тапканнар. Шул рәвешле вуалькойрык, телескоп, комета, арысланбаш һ.б. балыклар барлыкка килгән.

Чыганаклар[үзгәртү]