Шушма
Wikipedia — ирекле энциклопедия проектыннан
| Шушма | |
|---|---|
| Характеристикасы | |
| Озынлыгы | 112 км |
| Бассейн мәйданы | 1885 км² |
| Су чыгымы күләме | 149 м³/с |
| Елга башы | Кече Кенәр, Мари Республикасы |
| Елга тамагы | Малмыж, Киров өлкәсе |
| Аккан территорияләр | Мари Республикасы, Татарстан, Киров өлкәсе |
Шушма елгасы, Нократның уң кушылдыгы. Мари Республикасы Кече Кенәр авылы янында башлана, тамагы Киров өлкәсенең Малмыж шәһәре янында. Озынлыгы 112 км (Татарстан чикләрендә — 90 км), бассейнының мәйданы 1885 км². Төп кушылдыклары: Сәрдә, Көшкәт, Арбор, Кугубор. Максималь су чыгымы 149 м³/с (1980). Су агымы көйләнгән. Суының иң аз вакытындагы минеральләшүе 500—800 мг/л. Елга үзәнендә торф ятмалары. Татарстан Республикасының табигать истәлеге (1978).
