Cesária Évora
| Cesária Évora | |
|---|---|
Cesária Ëvora
|
|
| Mäğlümat | |
| Quşamat | Yalanayaqlı diva |
| Tuu köne | 27. August 1941 |
| Tuu urını | Mindelo, Cabo Verde |
| Ülü köne | 17. Dekäber 2011 |
| Janr | morna |
| Wazifa(lar) | solist başqaruçı |
| İcat yılları | 1988- |
Cesária Évora (Kirill: Сезария Эвора; äytäleş: Sezária Évora) - 1941. 27. Augustta Cabo Verde'neñ São Vicente utırawındağı Mindelo port qalasında tuğan folklor cırçı xatın. Cesária "Yalanayaqlı diva" isemendä bilgele, çönki ul yarlı häm öysez watandaşlarğa solidarlığınnan säxnädä härwaqıt yalanayaqtan başqara.
Cesária Portugal fado janrınnan kilep çıqqan Kreol-Portugal telendä başqarala torğan morna isemle moñlı janr patşası, ul sentimental sağışılı häm moñlı xalıq cırların gitara, cavaquinho, eskipkä, akkordion häm klarnet akustik tawışları akkompanementı belän qatnaştırıp cırlí. Évora'nıñ Cabo Verde blüze – ilneñ qatı häm ozın taríxı, izoläsiä häm qollıq taríxı turında, şulay uq ul emigrasiä turında – Cabo Verde xalqınnıñ öçtän ikese çit illärdä yäşi.
Évora'nıñ tawışı – melanxolik häm yağımlı, beraz qarlıqqan, ayırım süzlärenä basıp yasap Cesária'nıñ emosional täğbirene tapşıra. Xättä tamaşaçılar Évora'nıñ telen añlamílar da, alarnı başqaruına ap-açıq xisläre tarta.
2004. yılda Afrikan cırçısı Grammy Award for Best Contemporary World Music Album (Grammy Zamança Dönya Muzıkasında İñ Yaxşı Album öçen) bülägen ciñgän.
[үзгәртү] Diskografiä
- La Diva aux pieds nus - 1988
- Distino di Belita - 1990
- Mar Azul - 1991
- Miss Perfumado - 1992
- Sodade, Les Plus Belles Mornas De Cesaria - 1994
- Cesaria - 1995
- Cabo Verde - 1997
- Cafe Atlantico - 1999
- São Vicente de Longe - 2001
- Cesaria Evora Anthology - 2002
- Live in Paris (DVD) - 2002
- Voz D'amor - 2003
- Club Sodade - Cesaria Evora by... - 2003
- Live D'Amor (DVD) - 2004
- Rogamar - 2006
[үзгәртү] Tışqı link
- Complete discography with tracks, some real audio files and lyrics
- French site about this queen
- The International Country of Cesaria Evora
| Bu mäqälä Tatar (Latın) Wıqıpedıaseneñ saylangan mäqälälär rätenä kerä. |