KGB törkeme

Wikipedia — ирекле энциклопедия проектыннан
Моңа күчү: навигация, эзләү

Bu mäqäläneñ kirill älifbasındağı igezäge bar.

KGB - Kazan Gruppası Bedretdin
KGB törkeme
KGB törkeme
Mäğlümat
Janr Tatarça rok, Folk rok
İcat yılları 1990., 2000. yıllar
Yoğıntı yasadı Tatar xalıq cırları, Başkarma ansamble, The Beatles, Mashina vremeni
Äğzalar
Deniz Bedretdin
Marsel Bahautdin
Gleb Antonov
Valodya Jarov
Konstantin Kuznetsov
Dmitri Kaplev
Töp qoral(lar)
gitara, ritm-gitara, bas-gitara

KGB törkeme - 1992. yılnı Qazanda qorıldı. Ğömere buyınça muzıka belän şöğellängän Deniz Bedretdin Qazanğa kilgäç yaña dusları belän tanışa. Tanışudan yaña gruppa tua. Deniz Bedretdinnıñ Helsinkida, bütän törkem äğzaları Qazanda toru häm härkemeñ üz eşläre belän şögellänüe säbäple törkemneñ icatı passif räweştä däwam itä. Nixayät, 2003. yılnı "Tatarstan poyezı" isemle albom çığaralar.

"Tatarstan poyezı" albomı isemen Mäskäw-Qazan arasında yörgän "Tatarstan" poyezdınan ala, bu poyezd Qazannı könbatışqa totaştıra häm Deniz Bedretdinnıñ ata-babalarınıñ tuğan yağı bulğan Tübän Novgorodtan (Särgaç) da uza.

Törkem äğzaları, härwaqıttağıça, The Beatlesnı yaratıp, urısça rok cırlauçı-uynauçılar. Deniz Bedretdinnıñ qolağı ise Skandinav rok muzıkasına häm Tatar xalıq köylärenä iyälängän. Albom, tawış yağınnan urıs rok tradisiyaların iskä töşerä häm şulay uq Deniz Bedretdinnıñ moñarçı Finlândiädağı tatarlar belän berğä çığarğan albomnardağı (LP) kebek lirik-akustik yañgırawı da bar. Şulay itep, "dialektika" belän barlıqqa kilgän albom uñışlı dip sanala. Albomda qayber Başkarma ansamble zamanınnan qalğan cırlar belän (Mäs.:2-Elmira, 9-Sin sazıñnı uynadıñ) yaña cırlar da bar. Bolar arasında 1-Tatarstan poyezı häm 10-Birelmä tatar halıgı cırları süzläre belän ayırılıp çığıp tora, 2-Elmira häm 11-Kızım Zarifä başqaru räweşläre belän diqqat cälep itä. 12-Tuğan telneñ härwaqıttağıça köye tanış, süzläre uylandıra, vokalda qunaq Zölfiyäneñ tawışın işetü söyenderä.

KGB törkeme xalıqara profile, ğadättän tış tawışları häm başqaruları belän Törkiädä eşläüçe ber radio alıpbaruçınıñ küzenä çağıla. Cenk Akyol isemle bu keşe Açık Radyo 94.9 fm kanalında üzeneñ Terra Incognita isemle tapşıruwınıñ bersen (2007. yılnıñ May ayında) KGB törkemenä bağışlıy. Şulay itep bu törkem turında, 2000-le yıllarda üzläre yäşäp icat itkän töbäktän tış bütän ildä tawışın yañgıratqan berençe Tatar rok törkeme dip äytep bula (1990-lı yıllarda Saq-Soq törkeme Boney M belän ber säxnäğä çıqqan ide).

Файл:KGB Tatarstan poyezi 2003.jpg
"Tatarstan poyezı" albom tışlığı.
Östendäğe yazu: D.Bedretdinnıñ "13.04.2007 Helsinki Cenk arkadaşıma Finlandiâdân sâlamnar" dip yazgan istälek süzläre.

Törkem äğzaları[үзгәртү]

Çıganaqlar[үзгәртү]

  1. [1]
  2. Muzona.Ru: Группа "Чак-Чак"
  3. Muzona.Ru: Группа "Чак-Чак"
  4. Muzona.Ru: Группа "Чак-Чак"
  5. [2]
  6. [3]

Monı da qara[үзгәртү]