Kuybışev susaqlağıçı

Wikipedia'dan

Kuybışev susaqlağıçı, Awropada iñ zur yasalma sulıq. Tatarstan, Mari El, Çuaşstan, Sember häm Samar ölkäläre çiklärendä urnaşqan.

1955. yılnıñ Öktäberendä Stavropol (xäzerge Tolyatti) şähäre yanında İdelgä bua qoru nätiçäsendä barlıqqa kilä. İseme - Kuybışev (xäzerge Samara) şähärennän. Kuybışev susaqlağıçı yar buyı sızığınıñ ğomumí ozınlığı 2604 km, ş.i. Tatarstan çiklärendä 1392 km täşkil itä. Su öslegeneñ mäydanı 6,15 meñ km² (şunıñ 51% Tatarstan çiklärendä). Urtaça tiränlege 8 m, bua yanındağı urınında iñ tirän urını 41 m, Qazan yanında 16-18 m. Ğomumí su küläme 57,3 km³, faydalı küläme - 32,7 km³. Komplkslı faydalanıla torğan sulıq (energetika, qorablar yörtü, su belän tä'min itü, suğaru, rekreasiä, balıq xucalığı). Su ağışı sezonğa bäyle räweştä küylänä (51-53 meter).