Интернет

Wikipedia — ирекле энциклопедия проектыннан
(Päräwez битеннән юнәлтелде)
Моңа күчү: навигация, эзләү
Интернет пәрәвезләре арасында булган бәйләнешне күрсәткән график рәсем.

Интернет яки Пәрәвез (ингл. Internet, Interconnected Networksтан кыскартылган) — мәгълүмати чыганакларның бөтендөнья глобаль системасы.

Бөтендөнья пәрәвезе (World "Wide "Web, WWW) — үзара гиперсылтамалар белән тоташкан документлар системасы (челтәре) ул. Шәхси адреска ия булган һәрбер аерым документ Web-бит дип атала.

Һәрбер Web-бит шул ук санакта яисә челтәрнең башка санагында сакланучы башка битләр белән күптөрле бәйләнешкә ия була ала. Тоташ сызыклар белән Web-серверлар һәм алар арасындагы бәйләнешләр, ә пунктир белән Web-документлар һәм алар арасындагы бәйләнешләр күрсәтелгән. Web-сервер ул — WWWның сервер-программасы эшләп тора торган компьютер. Аның диск хәтерендә Web-битләр саклана. Web-серверның домен исемендә кече домен исеме, гадәттә, www дип билгеләнә.

Web-бит (документ) эчендә торле мәгълүмат була ала: текст, рәсем, яздырылган тавыш. Ьәр-бер бит исеме .htm яки .html киңәйтелешкә ия булган аерым файлда саклана.

Гиперсылтама — «пәрәвездәге» башка биткә күчү күрсәткече белән бәйләнгән билгеле бер ачкыч сүз яисә документтагы объект ул. Һәм документлар «пәрәвезе». Гадәттә, гиперсылтаманың сурәте биттә ничек тә булса аерылып күрсәтелә, мәсәлән, төс яисә ассызыклау белән. Гиперсылтамага тычкан күрсәткечен төбәгән вакытта ул имән бармак белән төбәп күрсәтүче кул рәвешенә керә. Әгәр бу вакытта тычканның сул төймәсенә бассагыз, күрсәткеч буенча бәйләнгән текстка күчеш башкарылачак. Гиперсылтамалар кулланылган текст гипертекст дип атала.

WWW logo by Robert Cailliau.svg

WWW хезмәте кулланган протокол HTTP (HiperText Transfer Protocol — гипертекстны тапшыру протоколы) дип атала. Аның төп билгеләнеше — гиперсылтамаларны эшкәртү, клиентларга документлар эзләү һәм тапшыру.

Web-сәхифә ул — үзара бәйләнгән (гадәттә, тематик яктан) битләр бергәлеге. Сәхифә нинди дә булса кешегә яисә оешмага карый. Web-сәхифә челтәр хезмәтләре провайдерының Web-серверында оештырыла. Теләсә кайсы сайтның, үзенә күрә титул битен хәтерләтүче баш бите бар. Кагыйдә буларак, баш бит сайт хуҗасын күрсәтеп тора һәм сайтның төрле бүлекләренә сылтамаларны эченә ала.

URL-адрес. Челтәр санак киңлегендәге адреслау системасы турын да сөйләнелгән иде инде. Бу — IP-адреслар, домен адреслары. Интернетның мәгълүмат ресурслары киңлегендә үз адреслау системасы кулланыла. Ул URL (Uniformed Resource Locator) — ресурсларның универсаль күрсәткече дип атала. Кәр Web-бит яисә файл өч кисәктән торган уникаль URL-юлламага ия: керү өчен кулланылучы протокол исеме; ресурс сакланучы сервер исеме; серверда файлның (юлның) тулы исеме.


2008 елның уртасына Интернетны даими рәвештә кулланган кешеләр саны якынча 1,5 млрд кешегә җитте.[1]

Шулай ук карагыз[үзгәртү]

Искәрмәләр[үзгәртү]

  1. http://www.internet.ru/node/18678

Сылтамалар[үзгәртү]