İştvan Çukaş

İştvan Çukaş macar. Csukás István
Tuu datası	2 aprel 1936
Tuu urını	Macarstan patşalığı[en], Yas-Nadkun-Solnok[en], Kişuysallaş[en]
Ülem datası	24 fevral 2020 (83 yäş)
Ülem urını	Macarstan, Budapeşt
Watandaşlıq	Macarstan
Eşçänlek töre	yazuçı, şağir, balalar yazuçısı[en], ssenarist[en], mäsälçe
Büläklär	Koşut premiäse[en] (1999) Dyor kitap yarminkäse premiäse[hu] (2005) Attila József Prize[en] (1977, 1987) Déry Tibor-díj[hu] (1989, 1995) «Macarsran mirası» premiäse[en] (2016)

İştvan Çukaş (macar. Csukás István; 1936 yılnıñ 2 aprele, Macarstan patşalığı^[en], Yas-Nadkun-Solnok^[en], Kişuysallaş^[en] — 2020 yılnıñ 24 fevrale, Macarstan, Budapeşt) — Macarstan yazuçısı, ädäbi premiälär laureatı. 25 şiğri cıyıntıq, 55 roman häm povest’, 5 pyesa, kinofilmnar öçen 20 ssenariy avtorı.

Biografiäse

Kişuysallaşta timerçe ğailäsendä tuğan. Ğailädä ölkän ul.

Tarhosta^[en] skripka sıynıfı buyınça muzıka mäktäben tämamlağan. Ul imtixannarsız Muzıka akademiäsenä^[en] kerä alır ide, läkin dokumentların yuridik institutqa tapşırğan. Berniqädär waqıttan soñ sänğät fakultetına küçkän, läkin 1956 yılda taşlağan häm näticädä yuğarı belem almağan.

1953 yılda Macar radiosınıñ^[en] student şağirläre bäygesenä üzeneñ berniçä şiğiren täqdim itkän häm berençe premiä alğan. 1962 yılda anıñ «Elmondani adj erőt!» isemle berençe şiğri cıyıntığı çıqqan. Balalar öçen «Egy szürke kiscsacsi» isemle berençe poveste 1967 yılda basılıp çıqqan.

Yuğarı uqu yortın taşlağannan soñ, Macarstan Xalıq Respublikasınıñ sänğät fondında, berniqädär waqıt Xezmät ministrlığınıñ gäcitendä, ä annarı ike yıl däwamında «Néphadsereg» gäcite jurnalistı bulıp eşlägän. 1968 yıldan 1971 yılğa qädär Macar televiziäseneñ^[en] balalar seksiäsendä dramaturg bulıp eşlägän. Annarı — «Hétmérföldes kamera» balalar yañalıqlar programması xezmätkäre. 1978 yıldan 1985 yılğa qädär «Móra Ferenc» yäşlär kitap näşriätınıñ baş möxärrire bulğan.

1985 yıldan üz äsärlärennän honorarlarğa yäşägän.

2020 yılnıñ 24 fevralendä 83 yäşendä wafat bulğan. Budapeşttağı Farkaşret ziratında rässamnar bülemtegendä cirlängän.

Büläklär

• 10-nçı Hollywood televizion festivalendä anıñ äsärläre buyınça töşerelgän «Kaska häm bäräñge borını» näfis filmı töp büläk häm 1975 yılnıñ iñ yaxşı balalar filmı isemen alğan.
• Attila Yojef (1977, 1987), Andersen (1984), «Yıl kitabı» (1987), Tibor Deri (1989, 1995) premiäläre häm Macarstannıñ töp ädäbi büläge — Koşut premiäse (1999) laureatı.
• Budapeşt maqtawlı watandaşı (2011).
• Macarstan Qazanışlar ordenınıñ urta tärese belän büläklängän (2016).

Sıltamalar

• Csukás István profilja 2008 елның 10 сентябрь көнендә архивланган. a Digitális Irodalmi Akadémia honlapján
• Béládi Miklós, Rónay László: A magyar irodalom története 1945-1975 /II./1-2. KÖTET; A KÖLTÉSZET Életrajzi jegyzetek — 1981—1990
• Csukás István: A díj a gyerekirodalomra irányítja a figyelmet, szinhaz.hu/MTI — 2014. augusztus 28.
• Csukás István: Egymillió gyermeket neveltem fel — az Origo interjúja. 2010. november 29.
• Bense Róbert: Jó reggelt kívánok, Festéktüsszentő Hapci Benő! — Interjú Csukás Istvánnal 2023 елның 5 апрель көнендә архивланган. Manoprogram.hu — 2012. január
• Az öröm ujjhegyén Csukás Istvánnal; interjú Marton Mária; Könyvmolyképző, Szeged, 2009
• Örökké él, amit láttam. Visszaemlékezések Csukás Istvánról; Önkormányzat, Kisújszállás, 2022 (Helytörténeti füzetek)