Айрат Хәмматов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Айрат Хәмматов latin yazuında])
Навигациягә күчү Эзләүгә күчү
Айрат Хәмматов
Айрат Хаматов.jpg
Туган 2 февраль 1965(1965-02-02) (56 яшь)
Казан, РСФСР, СССР
Яшәгән урын Вязьма урамы, Казан[1]
Ватандашлыгы Flag of Russia.svg Россия
Һөнәре боксчы

Айрат Касыйм улы Хәмматов (2 февраль 1965(1965-02-02) (56 яшь), Казан, РСФСР, СССР) — ССРБ боксчысы, дөнья чемпионы (1989, 57 кггача авырлыкта), Яхшы ихтыяр уеннарының бакыр медале иясе (1990, 60 кггача авырлыкта), Аурупа чемпионатының көмеш медале иясе (1991, 60 кггача авырлыкта).

Тормыш юлы[үзгәртү | вики-текстны үзгәртү]

Айрат Хаматов 1965 елның 2 февралендә Казанда туа. 13 яшендә Дәрвишләр бистәсенең «Ракета» спорт клубында тренер М. Вәлиуллинда спорт белән актив шөгыльләнә башлый[2]. Аннары атказанган тренер Виктор Краснов җитәкчелегендә әзерлекне дәвам итә, ярышларда «Зенит» ирекле спорт җәмгыятен тәкъдим иткән[3][4].

1986 елда РСФСР халыклары спартакиадасында җиңел авырлык категориясендә җиңә, Советлар Берлеге беренчелегендә бакыр медаль яулый. Бу җиңүләр нәтиҗәсендә илнең олылар җыелмасына эләгә һәм зур халыкара турнирларда катнаша башлый.

1989 елда милли беренчелектә көмеш медаль яулый, Манилда мэр Кубогында, финал ярышында Филиппин Леопольдо Кантансиога оттырып, көмеш медаль ала, Мәскәүдә узган дөнья чемпионатында алтын медаль ала. Бу казанышлары өчен «Атказанган спорт мастеры» һәм «Күренекле боксчы» дигән мактаулы исемнәргә лаек була[5].

Киләсе сезонда Сиэтлда узган ирекле ихтыяр уеннарында бакыр медаль ота — ярымфинал стадиясендә аны унҗиде яшьлек америкалы Оскар де Ла Хойя җиңә.1991 елда Гөтеборгта узган Аурупа чемпионатында көмеш медальгә лаек була, ССРБ чемпионы титулын яулый. Җыелма команданың лидеры буларак, 1992 елда Барселонада узган җәйге Олимпия уеннары ярышларында катнашырга тиеш була, ләкин Тамбовта узган БДБ сайлап алу чемпионатында Артур Григорянга оттыра. Спорт карьерасын 1992 елда тәмамлый.

1999 елның декабреннән спорт функционеры, Татарстан Республикасы бокс федерациясе президенты вазыйфасын били[6]. Өйләнгән, улы һәм кызы бар[7].

Искәрмәләр[үзгәртү | вики-текстны үзгәртү]

  1. https://zitely.info/kazan
  2. Интервью с татарином — первым чемпионом мира по боксу — Реальное время.
  3. Первый чемпион республики по боксу мечтает опубликовать свои памфлеты. TatCenter.ru (2003-09-25). 2017-08-27 тикшерелде.
  4. Бокс. Энциклопедия / Авторы-составители В. А. Марков, В. Л. Штейнбах. — М.: «Человек», 2011. — 656 с. — ISBN 978-5-903639-26-7.
  5. Илья Береснев. (2010-02). Хаматов Айрат Касимович. Идель. 2013-05-10 тикшерелде.
  6. Борис Валиев. (2002-12-28). Айрат Хаматов: Ждём ответ премьер- министра. Советский спорт. әлеге чыганактан 2013-05-22 архивланды. 2013-05-10 тикшерелде.
  7. Айрат Хаматов. kulichki.com. 2013-05-10 тикшерелде.