Актаныш драма һәм комедия театры

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Актаныш драма һәм комедия театры latin yazuında])
Навигациягә күчү Эзләүгә күчү
Актаныш драма һәм комедия театры
Актаныш муниципаль
драма һәм комедия театры
Актаныш РМЙ.jpg
Театр урнашкан Әлфия Авзалова исемендәге район мәдәният сарае
Адрес 423740 Тынычлык проспекты, 9
Актаныш, Татарстан

Актаныш драма һәм комедия театры, Актаныш муниципаль драма һәм комедия театры — Татарстанның Актаныш районы үзәге Актаныш авылында эшләүче муниципаль мәдәният оешмасы (театр). 2019 елда Актаныш халык театры нигезендә оештырыла, әлегә муниципаль театр буларак чыгыш ясый. Тамашаларын Әлфия Авзалова исемендәге район мәдәният сарае сәхнәсендә, район авылларындагы мәдәният сарайларында, Башкортстанның Илеш һ. б. районнарында күрсәтә[1].

Адресы: 423740 ТР, Актаныш, Тынычлык проспекты, 9
Режиссер (2019 елдан) — Нур Мәкәрим улы Хөсәенов, Татарстанның атказанган артисты[2].

Тарих[үзгәртү | вики-текстны үзгәртү]

1974 елдан Актаныш халык театры буларак эшли. Әнгам Атнабаевның «Мәхәббәт турында җыр» дигән әсәре нигезендә куелган спектакль (режиссер — Гали Арсланов) өчен халык театры исеме бирелгән.

2019 елдан Актаныш районының муниципаль драма һәм комедия театры.

2019 елда Казанда Камал театрында Нурихан Фәттахның «Итил суы ака торур» тарихи драмасын күрсәткәч, театрга дәүләт театры статусын бирү турында сөйләшү булды [3][4].

Репертуар[үзгәртү | вики-текстны үзгәртү]

2016 елда Татарстанның атказанган артисты Нур Хөсәенов (Минзәлә театрыннан) Актаныш халык театрына эшкә кайткач, Нурихан Фәттахның «Итил суы ака торур» тарихи романын сәхнәләштерә (инсценировкасын үзе язган, Алмыш ханны башкарган; Илнур Локманов төп рольдәге Тотышны уйный, Айзирәк Локманова Тотышның сөйгән яры — Алмыш ханның кызы Аппак ролен башкара)[1], Мансур Гыйләҗевның «Яратылыш» пьесасын «Мин бит сине тапкан идем» исеме белән, Рабит Батулланың «Шайтан кәмите» пьесасын «Өйләнәм! Бетте-китте!» исеме белән сәхнәгә куя[5].

Рабит Батулланың «Өйләнәм! Бетте-китте!» комедиясе — Актаныш муниципаль драма һәм комедия театрының беренче спектакле[6].

Коллектив[үзгәртү | вики-текстны үзгәртү]

Театр коллективы 12 кешелек, нигездә, мәдәни белемгә ия артистлар: Рөстәм Мусин, Алсу Булатова, Нәзлия Гобәева, Эльвира Мөхәммәтҗанова, Зәмзәмия Хәсәнова, Альбина Хөсәенова, Рөстәм Хөсәенов, Елена Әдһәмова, Гөлнара Талипова, Данир Басыйров, Айнур Хөсәенов, Татарстанның атказанган артисты Нур Хөсәенов һ. б.

Сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]