Альбина Шакирова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Альбина Шакирова latin yazuında])
Навигациягә күчү Эзләүгә күчү
Альбина Шакирова
Шакирова Альбина.jpg
Туган 30 март 1987(1987-03-30) (34 яшь)
Тәтеш, Татарстан АССР, РСФСР, СССР
Ватандашлыгы Flag of Russia.svg Россия
Һөнәре атучы спортсмен

Альбина Илдус кызы Шакирова (1987 елның 30 марты, Тәтеш, Татарстан АССР, ССРБ) — стендка ату буенча махсуслашкан Россия атучысы. XXXI Җәйге Олимпия уеннарында катнашучы. Россиянең халыкара класслы спорт мастеры.

Биография[үзгәртү | вики-текстны үзгәртү]

Альбина Шакирова 1987 елның 30 мартында Тәтеш шәһәрендә туа[1]. 11 яшьтән стендка ату буенча «Олимпия резервының республика махсуслаштырылган балалар-яшүсмерләр спорт мәктәбе»нең Тәтеш филиалында ату белән шөгыльләнә башлый[2].

2017 елның 25 октябрендә Россия Федерациясе Спорт министрлыгы боерыгы белән Альбина Шакировага «Россиянең Атказанган спорт мастеры» дигән мактаулы спорт исеме бирелә[3]

Спорт карьерасы[үзгәртү | вики-текстны үзгәртү]

Казандагы 2013 елгы XXVII Бөтендөнья җәйге Универсиадада Альбина Шакирова шәхси зачётта 3 нче урынны һәм скит күнегүендә 1 нче команда урынын ала[2].

2014 елның июнь ахырында Сарлоспужтада (Венгрия) узган Аурупа чемпионатында Альбина Шакирова алтынчы була[4]. Октябрь аенда ул Әзербайҗанда, кытай кызы Вэй Мэйны 15:11 исәбе белән җиңеп, ату спорт төрләре буенча Дөнья кубогы финалына чыга[5].

2016 елның апрелендә Рио-де-Жанейрода (Бразилия) узган стендка һәм пуля белән ату буенча Дөнья Кубогында Альбина Шакирова, 75 мишеньнең 72 мишененә таң калып, квалификация нәтиҗәләре буенча алда була. Ярымфиналга чыккач 5 урынны яулый[6]. XXXI Җәйге Олимпия уеннарында 69 очко җыеп, америкалы Морган Крафт һәм аргентиналы Мелиса Хиль белән алтынчы урынны бүлә[7].

2017 елда стендка ату буенча шәхси беренчелектә дөнья чемпионатының көмеш медален яулый[8].

Спорт казанышлары[үзгәртү | вики-текстны үзгәртү]

  • Яшүсмер кызлар арасында Аурупа чемпионаты (2005, 2006) — 1 урын,
  • Яшүсмер кызлар арасында Аурупа чемпионаты (2007) — 3 урын,
  • Яшүсмер кызлар арасында дөнья чемпионаты (2006) — 2 урын,
  • Яшүсмер кызлар арасында дөнья чемпионаты (2007) — 3 урын,
  • 2011 Елгы Җәйге Универсиада (команда) —3 урын;
  • Россия Чемпионаты (2011) — 1 урын[2];
  • 2013 елгы ату буенча дөнья кубогы (3 этап) — 3 урын;
  • 2013 Елгы Җәйге Универсиада (шәхси) — 3 урын;
  • 2013 Елгы Җәйге Универсиада (команда) — 1 урын.

Искәрмәләр[үзгәртү | вики-текстны үзгәртү]

  1. Альбина Шакирова eurosport.ru, 30.07.2016.
  2. 2,0 2,1 2,2 Тетюшская школа стендовой стрельбы информирует tetushi.tatarstan.ru, 19.07.2013.
  3. ПОЗДРАВЛЯЕМ С ПРИСВОЕНИЕМ СПОРТИВНОГО ЗВАНИЯ!
  4. Альбина Шакирова — шестая на чемпионате Европы по стендовой стрельбе в ските; Алина Фазылзянова — первая среди юниорок allsportinfo.ru, 25.06.2014.
  5. Дончанка Альбина Шакирова победила в финале Кубка мира по стендовой стрельбе dontr.ru, 27.10.2014.
  6. Альбина Шакирова может поехать на Олимпиаду shooting-rt.ru, 28.04.2016.
  7. Шакирова не вышла в полуфинал в дисциплине скит в соревнованиях по стрельбе на ОИ
  8. Шакирова стала вице-чемпионкой мира в ските