Эчтәлеккә күчү

Andrey Hilaletdinov

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Andrey Hilaletdinov latin yazuında])
(Андрей Һилалетдинов битеннән юнәлтелде)
Andrey Hilaletdinov
erz. Андрей Илялетдинов
Psevdonim

Árpád Váldazs

Tuu datası

8 avgust 1995

Tuu urını

Räsäy, Mäskäw ölkäse, Peresvet

Watandaşlıq

Россия байрагы Räsäy

Eşçänlek töre

tel aktivistı

Andrey Hilaletdinov, Andrey (Andü) Ravil ulı Hilaletdinov (erz. Андрей (Андю) Равильевич Илялетдинов; psevdonimı — Árpád Váldazs (erz. Арпад Валдаж); 1995 yılnıñ 8 avgustı, RF, Mäskäw ölkäse, Peresvet) — erzä tel aktivistı. Erzä telendä matematik analiz häm fizika buyınça kitaplar häm mikroiqtisad buyınça äsbap yazğan[1][2]. Anıñ YouTube häm TikTok kanalları bar[3]. Mansi tele buyınça urıs häm ingliz tellärendä uqıtu videokursı töşergän.

Biografiäse[үзгәртү | вики-текстны үзгәртү]

1995 yılnıñ 8 avgustında Peresvetta tuğan.

Üz belderüläre buyınça, ul fin-uğır tellären tübändägeçä öyränä başlağan: mäktäp yıllarında Andrey Macarstanda barlıqqa kilgän drum-and-bass biegän. Ul yış qına macar telendä cırlar häm macar telendä YouTube’ta kommentariylar oçratqan. Şulay itep ul macar tele belän qızıqsına häm anı öyränä başlağan. Ul şulay uq başqa fin-uğır mädäniätläre häm telläre, ayırım alğanda, mansi tele belän qızıqsınğan.

Andrey macar häm başqa fin-uğır telläre, şul isäptän erzä tele belän qızıqsınğannan soñ uq, ul änisennän dä fin-uğır tamırları barlığın belgän: Andreynıñ äbise Mordoviädän. Andrey üzeneñ äbise millät buyınça kem ikänen belmägän. Mordoviädä ike cirle xalıq — erzä häm muqşı. Andrey bu töbäk belän qızıqsınğan, muqşı häm erzä telläre belän östän-östän tanışqan. Erzä tele, anıñ süzläre buyınça, aña kübräk oşağan. Andrey erzä telen öyränä başlağan. Şunnan soñ ul erzälar belän aralaşa başlğan. Andrey alarğa äbiseneñ tışqı qiäfäten kürsätkän. Erzälar, tışqı qiäfätenä qarap, anıñ äbise erzä bulğan dip beldergän[3].

Erzä telen öyränä başlağaç, Andrey Xantı-Mansiyskta bulğan. Şunnan soñ Andrey Mordoviägä dä bara başlıy, Rasken’ Ozksta bulğan. Şul waqıttan birle ul erzä häm mansi telläre belän şöğellängän.

Andrey Mordoviägä küçenä alğan. Bilgele ber waqıtqa qädär ul Mäskäwdä yäşägän, aviatsiä tözeleşendä injener bulıp eşlägän. Ämmä xezmät xaqı tübän bulu häm perspektivalar bulmaw säbäple, Andrey programmalaştırunı öyränä başlağan. Şunıñ arqasında ul başqalağa bäylänüdän ayırılıp Saranskiğä küçenä alğan.

Räsäyneñ Ukrainağa bärep kerüe başlanğannan soñ Andrey Räsäydän kitkän.

2022 yılnıñ közendä erzä milli qorıltayında qatnaşqan[4].

İskärmälär[үзгәртү | вики-текстны үзгәртү]

Sıltamalar[үзгәртү | вики-текстны үзгәртү]