Антон Бочкарёв
| Антон Бочкарёв | |
|---|---|
| Туган | 3 ноябрь 1978 (45 яшь) Яшел Үзән, Татарстан АССР, РСФСР, СССР |
| Әлма-матер | Мәскәү дәүләт физик мәдәният академиясе[d] |
| Һөнәре | җиңел атлет |
Антон Анатольевич Бочкарёв (1978 елның 3 ноябре, Яшел Үзән, Татарстан АССР) — Россия җиңел атлетчысы (урта дистанцияләргә йөгерү, шул исәптән эстафета). Россиянең халыкара класслы спорт мастеры.
Тормыш юлы[үзгәртү | вики-текстны үзгәртү]
Антон Бочкарёв 1978 елның 3 ноябрендә Татарстан АССРның Яшел Үзән шәһәрендә туган. 1996 елда Мәскәү шәһәренең 1 нче МУОРын тәмамлый һәм урта махсус белем ала. 1997 елда укырга керү имтиханнарын тапшыра һәм Россия дәүләт физик культура, спорт, яшьләр һәм туризм университетына (РГАФК) керә. 2004 елда РГАФКтан күчергәннән соң, Мәскәү өлкәсенең Балашиха шәһәрендәге Мәскәү дәүләт физик культура академиясен физик культура һәм спорт белгечлеге буенча тәмамлый[1].
Карьера[үзгәртү | вики-текстны үзгәртү]
1997—1999 елларда Уфа шәһәре янында, «СКА-219» Россиянең Хәрби-һава көчләре сафларында хезмәт итә. Хезмәт тәмамланганнан соң кече сержант исемен ала. 2000 елдан Россия эчке гаскәрләрендә контракт буенча хезмәт итә. 2001 елда Иркутск шәһәренә Россия хәрби-һава көчләренә прапорщик исемен бирү белән күчә. 2006 елның мартында Россия эчке эшләр министрлыгына стажёр сыйфатында күчерелә һәм 2006 елның июнендә милиционер була. Беренче, икенче һәм өченче дәрәҗә Хезмәттәге уңышлары өчен Россия эчке эшләр министрлыгының ведомство медальләре белән билгеләп үтелә.
Светлана Павловна Плескач-Стыркина, Яков Исаакович Ельянов, Геннадий Михайлович Суворовта шөгыльләнгән. 1995 елда 800 м дистанциядә Англиядә (Бат шәһәре) узган Яшүсмерләр Олимпия уеннарында 5 нче урынны ала. Словениядә узган 1996 елгы яшүсмерләр арасында Аурупа чемпионнары Кубогының бакыр призёры. Берничә тапкыр Россия чемпионатлары һәм беренчелекләре чемпионы һәм призёры:
- 2000 елда бинада җиңел атлетика буенча Россия чемпионатында 2 нче урын (1500 метрга йөгерү)[2];
- 4х800 м эстафетада 2007 елда бинада җиңел атлетика буенча Россия чемпионы[3].
Шулай ук 2002, 2004, 2006 һәм 2007 елларда 800 метрга йөгерүдә Россиянең кышкы һәм җәйге чемпионатларында төрле урыннар яулаган[4].
«RunandWin» йөгерү проектына нигез салучы. «ADIDAS» компаниясендә тренер.
Мәктәптә эшли, шул ук вакытта җиңел атлетика буенча тренер булып эшли. Башлангыч сыйныф укытучысы.
Искәрмәләр[үзгәртү | вики-текстны үзгәртү]
- ↑ Зеленодольский легкоатлет: «Российские спортсмены — жертвы большой политики»
- ↑ Спорт-Экспресс: Легкая атлетика. әлеге чыганактан 2014-10-13 архивланды.
- ↑ Результаты — Соревнования, archived from the original on 2014-10-11, retrieved 2022-01-03
- ↑ Бочкарев Антон, archived from the original on 2018-05-18, retrieved 2022-01-03