Асия Хәйруллина

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Асия Хәйруллина latin yazuında])
Навигациягә күчү Эзләүгә күчү
Асия Хәйруллина
Асия Хәйруллина.jpg
Туган телдә исем Асия Хәсән кызы Хәйруллина
Туган 15 июнь 1921(1921-06-15)
Багыш, Апас районы, ТАССР
Үлгән 2004(2004)
Милләт татар
Ватандашлыгы Flag of the Soviet Union.svg/State Emblem of the Soviet Union.svg ССРБРусия байрагы Русия
Һөнәре актриса, педагог
Бүләк һәм мөкәфәтләре Габдулла Тукай исемендәге дәүләт премиясе

Асия Хәсән кызы Хәйруллина (1921 елның 15 июне2004 ел) — атаклы татар артисткасы, профессор, Татарстанның атказанган сәнгать эшлеклесе, 1958 елда Габдулла Тукай исемендәге Татарстан дәүләт премиясе лауреаты.

Тормыш юлы[үзгәртү | вики-текстны үзгәртү]

Асия Хәйруллина 1921 елның 15 июнендә Татарстан АССРның Апас районы Багыш авылында туган[1]. Урта мәктәпне тәмамлагач, Спас педагогика училищесына керә. Соңрак Дәүләт театраль сәнгать институтының актерлык факультетында укый, О.И. Пыжов, Б.А. Бибиков, М.П. Чистяков, Б.М. Седой, О.А.Якубовский кебек сәхнә осталарыннан белем ала. Укуын тәмамлагач, юнәлтмә буенча Татар яшьләр театрына җибәрелә, ә бер елдан соң Камал театрына чакырыла.

19501971 елларда Камал театры труппасында эшли, төрле әһәмиятле рольләр башкара. 1962 елдан Казан театр училищесында, ә 1970 елданКазан дәүләт мәдәният һәм сәнгать институтында укыта. Соңгы уку йортында ул сәхнә теле курсы алып бара, соңрак, лекцияләрендә җыелган материал нигезендә, «Дөрес сөйләшергә өйрәнегез» исемле дәреслек яза.

Асия Хәйруллина 2004 елда вафат була.

Рольләр[2][үзгәртү | вики-текстны үзгәртү]

Роль Спектакль Пьеса авторы
Садрый «Галиябану» Мирхәйдәр Фәйзи
Миңлеәхмәт «Миңлекамал» Мирсәй Әмир
Идел «Зифа»
Сәхилә «Хуҗа Насретдин» Нәкый Исәнбәт
Рокыя «Җилкәнсезләр» Кәрим Тинчурин
Гүзәл «Рәхим итегез!»
Бибиәсма «Кайда соң син?» Хәй Вахит
Екатерина «Яшь йөрәкләр» Фәтхи Бурнаш
Галимә «Тормыш җыры» Мирсәй Әмир
Зөлкагыйдә «Кыю кызлар» Таҗи Гыйззәт

Бүләкләр[үзгәртү | вики-текстны үзгәртү]

Камал театрында Кәрим Тинчуринның «[[Җилкәнсезләр]]» пьесасы буенча куелган спектакльдә Рокыя ролен башкарганы өчен, Асия Хәйруллина 1958 елда Габдулла Тукай исемендәге Татарстан дәүләт премиясе белән бүләкләнә.

1992 елда Татарстанның атказанган сәнгать эшлеклесе исеме бирелә.

Искәрмәләр һәм чыганаклар[үзгәртү | вики-текстны үзгәртү]