Augsburg solıxı

Augsburg dini solıxınıñ baş bite, Maynts, 1555

Augsburg dini solıxı bilgese: lüteranlıq (alda) häm katoliklıñ çirkäw manaraları yaqınlığı.

Augsburg dini solıxı - 1555 yılda Augsburg reyxstagında İzge Rim imperiäsendäge lüterannar häm katoliklar ber yaqtan häm Rim patşası Ferdinand I (imperator Karl V isemennän eş itkän) ikençe yaqtan imzalanğan dini kileşü.

Augsburg dini solıxı Lüteranlıqnı räsmi din bularaq tanığan, imperiä qatlawlarınıñ din saylawında xoquqın bilgelägän.

Kileşü imperiä qanunı statusına iä bulğan, yaña zamanda İzge Rim imperiäsendä däwlät tärtiben urnaştırğan, Almaniäneñ berdämlegen XVI ğasırda tä'min itkän.

Läkin Augsburg solıxı imperiä watandaşlarına din iregen birmägän, "cuius regio, eius religio" (kemneñ ile, şunıñ dine) mäslägen urnaştırğan, il başlığı üze din saylıy alğan. Bu kileşüneñ kimçelege soñraq Utız yıllıq suğışnıñ säbäpläreneñ berse bula.

Ädäbiät

• Абрамсон М. Л., Гуревич А. Я., Колесницкий Н. Ф. История средних веков. — М., 1964.
• Зикен, Б. Фердинанд I. // Кайзеры. Сост. Шиндлинг А., Циглер В. — Ростов-на-Дону, 1997. ISBN 5-222-00022-2
• Колер, А. Карл V. // Кайзеры. Сост. Шиндлинг А., Циглер В. — Ростов-на-Дону, 1997. ISBN 5-222-00022-2
• Прокопьев, А. Ю. Германия в эпоху религиозного раскола: 1555—1648. — СПб, 2002. ISBN 5-93762-014-3