Берил Бёҗеклер
.svg){kind=small}
| Берил Бёҗеклер | |
|---|---|
 | |
| Туган телдә исем | төр. Beril Böcekler[1] |
| Туган | 7 февраль 2004[2] (20 яшь) Әнкара, Төркия |
| Ватандашлыгы |  Төркия |
| Һөнәре | йөзүче |
Берил Бёҗеклер (төр. Beril Böcekler; 2004 елның 7 феврале, Әнкара, Төркия) — Төркия йөзүчесе, ирекле стиль белән йөзү буенча махсуслашкан. Төркия рекордчысы һәм Олимпия уеннарында катнашучы.
Тормыш юлы[үзгәртү | вики-текстны үзгәртү]
Берил Бёҗеклер 2004 елның 7 февралендә туа[3]. Истанбулның «Enka SK» клубын тәкъдим итә[4].
Карьера[үзгәртү | вики-текстны үзгәртү]
2018[үзгәртү | вики-текстны үзгәртү]
Берил Бёҗеклер кыска суда йөзү буенча Төркия яшүсмерләр чемпионатында 400 м һәм 800 м га ирекле стиль белән йөзүдә җиңә, шулай ук олылар арасындагы милли чемпионатта да чыгыш ясый һәм беренче һәм икенче урыннарны ала. Сербиядә Belgrade Trophy 2018 турнирында ул шулай ук әлеге дистанцияләрдә ярышларда җиңү яулый. Берил Бёҗеклер Таррагонадагы 2018 елгы Урта диңгез уеннарында катнаша, анда 800 м, 400 м га ирекле стиль белән йөзүдә 11 нче була. Финляндиядә узган Ауропа яшүсмерләр чемпионатында 1500 м дистанциягә йөзүдә иң яхшы нәтиҗә күрсәтә, ул тугызынчы була. Глазгода узган олылар арасында Ауропа чемпионатында 400 м, 800 м һәм 1500 м дистанцияләрдә 16, 15 һәм 14 нче урыннарны ала. Кытайда яшүсмерләр арасында дөнья чемпионатында 400 м һәм 800 м га ирекле стиль белән 18 һәм 16 нчы урыннарны ала[5].
2019[үзгәртү | вики-текстны үзгәртү]
Франциядә Камил Мюфф истәлегенә узган турнирда чыгыш ясый, анда 400 м га ирекле стиль белән йөзүдә дүртенче була һәм 1500 м га йөзүдә 17 нче була. Яшүсмерләр арасында Төркия чемпионатында 400 м, 800 м һәм 1500 м дистанцияләрдә алтын медаль яулый. Казанда яшүсмерләр арасында Ауропа чемпионатында 800 м һәм 1500 м ирекле стиль белән «стайер» дистанцияләрдә ике көмеш медаль яулый. Бакыда узган Ауропа яшүсмерләр олимпия фестивалендә 200 м, 400 м һәм 800 м га ирекле стиль белән йөзүдә алтын медальләр яулый. Будапешттагы яшүсмерләр арасында дөнья чемпионатында иң яхшы нәтиҗә 1500 метр дистанциягә туры килә, әмма медаль яулый алмый. Шулай ук ул 400 м һәм 800 м дистанцияләрдә алтынчы һәм җиденче була. Кыска суда йөзү буенча олылар арасындагы Ауропа чемпионатында беренче раундтан алга уза алмый, ул ирекле стиль белән 200 м га 29 нчы, ирекле стиль белән 400 м га 12 нче һәм ирекле стиль белән 800 м га 18 нче була. Төркия чемпионатында кыска суда йөзүдә 400 м, 800 м һәм 1500 м дистанцияләрдә кабат алтын медальләр яулый[5].
2021[үзгәртү | вики-текстны үзгәртү]
2021 елга Будапештта күчерелгән 2020 елгы Ауропа чемпионатында ул 400 м га ирекле стиль белән йөзүдә дистанцияне 4 минут 8,18 секундта узып, бишенче була. Ул шулай ук 800 м һәм 200 м дистанцияләрдә катнаша, әмма квалификациядә 13 һәм 52 нче урыннарда туктала. Италиядә яшүсмерләр арасында Ауропа чемпионатында ирекле стиль белән 800 м һәм 200 м дистанцияләргә йөзүдә көмеш һәм бакыр медаль яулый[5].
Төркиядә узган халыкара турнирда Бёҗеклер 400 м га ирекле стиль белән йөзүдә 4 минут 6,64 секунд нәтиҗә күрсәтеп, милли рекордны яңарта. Шулай Берил Бёҗеклер Төркияне Токиода узачак 2020 елгы Олимпия уеннарында берьюлы өч дисциплинада — ирекле стиль белән 400 м, 800 м һәм 1500 м программасында тәкъдим итү мөмкинлеген яулап ала[5].
Искәрмәләр[үзгәртү | вики-текстны үзгәртү]
- ↑ 1,0 1,1 https://www.cumhuriyet.com.tr/haber/tokyo-2020-merve-tuncel-ve-beril-bocekler-finale-cikamadi-1855117
- ↑ Beril BOCEKLER
- ↑ Beril Böcekler (tr). Türkiye Milli Olimpiyat Komitesi.
- ↑ Beril Böcekler Rekora yüzdü (tr). Enka SK|Enka Spor Kulübü (14 December 2018). 4 August 2019 тикшерелгән.
- ↑ 5,0 5,1 5,2 5,3 Beril BOCEKLER | Results | FINA Official.
Сылтамалар[үзгәртү | вики-текстны үзгәртү]
- Берил Бёҗеклер Төркиянең милли Олимпия комитеты сайтында(төр.)