Булат Имашев

Булат Имашев
Булат Имашев
Туган	27 февраль 1908; Азнай, Демский сельсовет[d], Бишбүләк районы
Үлгән	12 апрель 1946 (38 яшь); Уфа, РСФСР, СССР
Әлма-матер	Ырынбур башкорт педагогия техникумы
Һөнәре	актёр
Эш бирүче	Мирхәйдәр Фәйзи исемендәге Ырынбур дәүләт татар драма театры һәм Башкорт дәүләт академия драма театры

Имашев Булат Гобәйдулла улы (27 февраль 1908 ел — 12 апрель 1946 ел) — театр актеры һәм режиссер. РСФСР-ның атказанган артисты (1944), Башкорт АССР-ының атказанган сәнгать эшлеклесе (1942). Хезмәт Кызыл Байрак ордены кавалеры (1944).

Биографиясе

Булат (Тимербулат) Гобәйдулла улы Имашев 1908 елның 27 февралендә Ырынбур губернасы Бәләбәй өязе Азнай авылында туган. Атасы халык җырларын яраткан, дәртле биюче булган. Булатка атасыннан музыкаль сәләт кенә түгел, тәвәккәллек тә күчкән, 13 яшендә үзаллы тормыш башлый яшүсмер.

1921-23 елларда Ырынбур башкорт педагогия техникумында укый, шул елларда Ырынбур татар драма театрында уйный.

1923 елда Уфа каласына килә. 1923-1926 елларда типографиядә хәреф җыючы булып эшли. Бер вакытта үзешчән артист булырга дә өлгерә. Ачык тышкы кыяфәтле иҗади егетне Шәһит Ходайбирдин, Даут Юлтый, Вәлиулла Мортазин артистлыкка укырга үгетли.

1926 елда Уфа театр техникумына укырга керә. Биредә Башкорт дәүләт академиягә драма театрының нигезен тәшкил итәчәк талант ияләре Арыслан Мөбәрәков, Зәйтүнә Бикбулатова, Вәли Галимов, Рим Сыртланов һәм башкалар белән бергә укый. Алар белән бергә күп кенә образлар иҗат итә һәм тиздән тамашачы сөюен яулый. Аның очкынлы күзләре, күркәм йөзе, кайнар темпераменты, туры гәүдәсе үзенә тарта. Мәкәрим Мәһәдиев белән Вәлиулла Мортазин-Иманский аның остазларына әйләнә, аңа төп рольләрне генә биреп калмыйлар, режиссер төркемендә эшләүне дә ышанып тапшыралар.

Булат Имашев читтән торып Мәскәүдә Луначарский исемендәге Театр сәнгате институтының режиссура факультетын тәмамлый (1933-37).

Тиктормас сәхнә остасының гомере 38 яшендә генә өзелә, Булат Имашев 1946 елда вафат була. Уфада җирләнгән.

Мактаулы исемнәре

Башкорт АССР-ның атказанган сәнгать эшлеклесе (1942)
РСФСР-ның атказанган артисты (1944)
Хезмәт Кызыл Байрак ордены (1944).

Хәтер

Бишбүләк районы Азнай авылында Булат Имашевның йорт-музее эшли.
Башкортстан дәүләт телерадиокомпаниясе Булат Имашев турында документаль фильм төшергән.

Искәрмәләр

Сылтамалар

Имашев Булат Ғөбәйҙулла улы // Башҡорт энциклопедияһы — Өфө: «Башҡорт энциклопедияһы» ғилми-нәшриәт комплексы, 2015—2020. — ISBN 978-5-88185-143-9.
Булат Имашев. Жизнь и творчество. Идательство «Китап». Уфа-2009 г. ISBN 978-5-295-04927-9 Булат Имашевтың тормошо hәм ижады.
Башҡортостан: Ҡыҫҡаса энциклапедия(үле сылтама)
«Булат Имашев: Жизнь и творчество».(үле сылтама)
Благородный герой и на сцене и в жизни. 8 февраля 2008 г.

Әдәбият

Ильдар Гумеров, Ляля Биишева, Р. А. Биккулова. Булат Имашев. Жизнь и творчество. г. Уфа, 2009 г.