Бәргүзар Корель

Бәргүзар Корель
Туган телендәге исеме	төр. Bergüzar Korel
Туган	27 август 1982(1982-08-27) (44 яшь) Истанбул, Төркия
Ватандашлыгы	Төркия
Әлма-матер	Мимар Синан исемендәге нәфис сәнгатьләр университеты[d]
Һөнәре	модель, актёр, алыпбаручы
Җефет	Халит Эргенч[d]
Ата-ана	Танжу Корель[d] (әти) Хюлия Дарджан[d] (әни)

Бәргүзар Гёкче Корель Эргенч (төр. Bergüzar Gökçe Korel Ergenç; 1982 елның 27 августы, Истанбул, Төркия) — төрек кино һәм телевидение актрисасы.

Тормыш юлы

Бәргүзар Корель 1982 елның 27 августында Истанбулда туа. Актёрлар Хөлья Дарҗан һәм Танжу Корель кызы. Балачагын Олыста үткәрә. Мимар Синан исемендәге Нәфис сәнгать университетына кергәнче профессиональ волейбол белән мавыккан. Нәселдәнлек Бергүзар Корель тормышында үз ролен уйный, — ул театр бүлеген актёрлык осталыгы классы буенча тәмамлый. Аның укытучысы Сьюзан Бэтсон (Николь Кидман һәм Том Хенкс укытучысы) була, шулай ук ул Озай Фехттан мастер-класс ала.

Бәргүзар үзенең беренче ролен «Сынган тормыш» сериалында уйный. 2005 елда ул «Бүреләр үзәне: Гыйрак» фильмында Ләйлә ролендә төшә. Фильм кинопрокатның барлык рекордларын да уза, ләкин актрисага фильмда төшәргә кыен була, чөнки аның героинясы фильмда гарәпчә сөйләшергә тиеш. Гарәп телен белмәвенә карамастан, Бәргүзар Корель бу бурычны үти һәм популярлык яулый. «Бүреләр үзәне: Гыйрак» фильмындагы роленнән соң Бәргүзар «Зәйтүн ботагы» сериалында Иклим ролен ала.

«Алтын күбәләк» премиясен ул «Мең һәм бер төн»дә Шәһразат Эвлияоглу роле өчен ала. Бу сериалдагы роленә яхшырак әзерләнү өчен, үз осталыгын камилләштерү өчен Бәргүзар Корель танылган театр укытучысы Айла Алган белән шөгыльләнә.

Шәхси тормыш

2006 елда Бәргүзар актёр Халит Эргенч белән таныша, аның белән бергә «1001 төн» сериалында уйный. Уртак эш актёрларны якынайта, һәм алар арасында роман башлана. Нәтиҗәдә Халит Эргенч хатыны белән аерылыша һәм 2009 елның 7 августында Бәргүзарга өйләнә.

2010 елның 9 февралендә актриса улы Алины таба. 2020 елның 8 мартында актриса улы Ханны таба. 2021 елның 3 ноябрендә кызлары Ләйлә туа.

Фильмография

Ел	Исем	Роль
2005	Зәйтүн ботагы	Иклим
2006	Бүреләр үзәне: Гыйрак	Лейла
2006—2009	1001 төн	Шехразат Эвлияоглу/Аксал
2009	Мәхәббәт тау артында түгел	Гёзде
2011	Зиннәтле гасыр	Моника Гритти
2010—2011	Җырланмаган җыр	Ферае
2012—2015	Карадайы	Фәридә Шадоглу
2016—2018	Минем Ватаным — ул син	Азизә
2019	Бер мәхәббәт, ике тормыш	Дениз
2021	Изгеләр	Фюсун

Бүләкләр

Ел	Церемония	Бүләк
2006	Алтын күбәләк	Иң яхшы актриса
2007	Радио, телевидение һәм матбугат ассоциациясе	телевидение бүләге
2008	«Zodiac Schools»	Иң уңышлы актриса
2010	«Lion Max»	Иң яхшы балалар телетапшыруы
2012	Радио, телевидение һәм матбугат ассоциациясе	Ел актрисасы
2012	«Ayaklı Gazete» газетасы	Иң яхшы драма актрисасы
2012	«YBTB»	Ел актрисасы
2013	Алтын күбәләк	Иң яхшы актриса
2013	«Ayaklı Gazete» газетасы	Иң яхшы актриса
2013	Oscars of Media	Иң яхшы актриса
2013	Алтын арыслан	Иң яхшы драма актрисасы
2014	Алтын объектив	Иң яхшы актриса

Сылтамалар

• TurkishStarsDaily сайтында