Вадим Дулат-Алиев
| Вадим Дулат-Алиев | |
 | |
| Төп мәгълүмат | |
|---|---|
| Тулы исеме |
Вадим Роберт улы Дулат-Алиев |
| Туу көне |
12 декабрь 1969 (54 яшь) |
| Туу урыны | |
| Эшчәнлек еллары |
1993―2024 |
| Дәүләт |
|
| Һөнәрләр |
музыка белгече, ректор |
| Кораллар |
клавесин, фортепиано |
| Коллективлар | |
| Бүләкләр | |
Вадим Дулат-Алиев, Вадим Роберт улы Дулат-Алиев (1969 елның 12 декабре, СССР, РСФСР, ТАССР, Казан) — музыка белгече, педагог, продюсер, җәмәгать эшлеклесе, сәнгать фәннәре докторы (1999), профессор (2005), Нәҗип Җиһанов исемендәге Казан дәүләт консерваториясенең музыка тарихы кафедрасы мөдире (2010), ректоры (в. б. ― 2021елның 1 июненнән). РФ композиторлар берлеге һәм ТР композиторлар берлеге идарәсе әгъзасы. Татарстанның атказанган сәнгать эшлеклесе (2010).
Тәрҗемәи хәле[үзгәртү | вики-текстны үзгәртү]
1969 елның 12 декабрендә Казанда туган. Күренекле татар җәмәгать эшлеклесе, инкыйлабларда катнашкан журналист Мәхмүт Габделвахит улы Дулат-Алиның (1889-1920) оныкчыгы[1].
Казан музыка училищесын (экстерн тәртибендә, 1988), Казан дәүләт консерваториясен («бик яхшы»га, 1993) тәмамлый. Бөтенроссия студентларның фәнни эшләре конкурсының I премиясе лауреаты (Мәскәү, 1992).
1995 елда Мәскәү дәүләт консерваториясендә «А. Н.Серов опералары үз заманының сәнгать тенденцияләре аспектында» (рус. Оперы А.Н. Серова в аспекте художественных тенденций своего времени, фәнни җитәкчесе ― сәнгать фәннәре докторы, профессор Мәскәү консерваториясенең. рус музыкасы тарихы кафедрасы мөдире профессор Е Г. Сорокина) темасына сәнгать фәннәре кандидатлыгына диссертация яклап, аспирантураны вакытыннан алда төгәлли. В. Р. Дулат-Алиевның диссертациясе ― Казан консерваториясе аспирантурасында башкарылган беренче диссертация.
Мәскәү консерваториясенең докторантурасын тәмамлап, «Текст буларак милли музыкаль мәдәният: XX гасыр татар музыкасы» (рус. Национальная музыкальная культура как текст: Татарская музыка XX века) темасына сәнгать фәннәре докторлыгына диссертация яклаган (1999) һәм Россия Федерациясендә иң яшь сәнгать фәннәре докторы, аннары үз белгечлеге буенча иң яшь профессор булган[2].
Казан консерваториясе[үзгәртү | вики-текстны үзгәртү]
- Төп мәкалә: Казан консерваториясе
1993 елдан Казан консерваториясендә эшли. Диссертацияләр белән фәнни җитәкчелек итә, махсус класс, рус музыкасы тарихы, башкару стильләре тарихы, музыкаль форма, музыка белеме методологиясе фәннәреннән укыта. 2001 елдан ― профессор.
- 1999―1997 ― консерваториянең фәнни эшләр буенча проректоры.
- 2000―2003, 2009―х. в. ― музыка тарихы кфедрасы мөдире.
- 2003―2009 ― татар музыкасы кафедрасы мөдире.
- 2009―2010 ― музыка тарихы һәм теориясе кафедрасы мөдире.
2014―2015 ― КФУ Дөнья сәнгать мәдәнияте теориясе һәм тарихы кафедрасы мөдире.
РФ мәдәният министры О. Б. Любимованың 2021 елның 1 июнендәге боерыгы белән Нәҗип Җиһанов исемендәге Казан дәүләт консерваториясенең ректоры в. б. итеп билгеләнгән[3].
Фәнни тикшеренүләренең төп юнәлешләре[үзгәртү | вики-текстны үзгәртү]
- Ватан музыкасы тарихы
- Көнчыгыш һәм Көнбатыш чит илләрендәге музыка тарихы, музыка театры тарихы һәм теориясе
- Туган якның музыка мәдәнияте, татар музыкасы тарихы, Татарстан композиторларының иҗаты
- Музыка теле тарихы һәм теориясе, мәдәният һәм музыка сәнгате семиотикасы, башкару тарихы һәм интерпретация теориясе[4]
Кайбер хезмәтләре[үзгәртү | вики-текстны үзгәртү]
- 1996, 1998 – балалар музыка мәктәпләренең 5 һәм 7нче класслары өчен «Татар музыка әдәбияты» дәреслеге. 1нче кисәк – 1996, 2нче кисәк – 1998.
- 1999 – Текст национальной культуры: Новоевропейская традиция в татарской музыке. К., КГК, 1999. – 244 с.
- 2005 – Татар музыкасы фонохрестоматиясе ― татар музыкасы буенча беренче фоно-хрестоматология (11 CD)
- 2007 – музыка училищелары һәм мәктәпләре өчен «Татар музыка әдәбияты» дәреслеге
- 2019 – О музыке с трибуны, на сцене и в кулуарах: Статьи, эссе, интервью. Казань: «Фолиант».
2015 елдан ― Нәҗип Җиһанов исемендәге Татар музыкасы фестиваленең сәнгать җитәкчесе (арт-директоры).
Профессор В. Р. Дулат-Алиев җитәкчелегендә 14 нәмзәт (шул исәптән, Казакъстаннан) фән кандидатлыгына диссертацияләр яклаган [5]
Бүләкләре, мактаулы исемнәре[үзгәртү | вики-текстны үзгәртү]
- 2010 – Татарстанның атказанган сәнгать эшлеклесе
- 2014 – Мәдәният һәм кинематография буенча федераль агентлык (2004―2008 елларда; 2008 елдан ― Кинематография буенча дәүләт комитеты, ru) премиясе ― татар музыкасы тарихы буенча эшләр циклы өчен
- 2019 – ТР мәдәният министрлыгының Мактау грамотасы
Гаиләсе[үзгәртү | вики-текстны үзгәртү]
Өйләнгән. Улы Денис Дулат-Алиев (Denis Aleev)[6][7], эстрада пианисты, кавер-мэйкер, композитор, халыкара конкурслар лауреаты, «Үзгәреш җиле» татар җыры фестивалендә концертмейстер булып катнашкан[8].
Искәрмәләр[үзгәртү | вики-текстны үзгәртү]
- ↑ Дулат-Алеев Вадим Робертович. 2021 елның 14 июнь көнендә архивланган. Сайт КГК
- ↑ Дулат-Алеев Вадим Робертович. Известные ученые(рус.)
- ↑ В Казанской консерватории представили нового ректора. 2021 елның 13 июнь көнендә архивланган. Сайт КГК, 4.06.2021
- ↑ Кафедра истории музыки. 2021 елның 14 июнь көнендә архивланган. Сайт КГК
- ↑ Список российских кандидатов наук и зарубежных PhD, защитивших диссертации под научным руководством профессора В. Р. Дулат-Алеева. 2021 елның 14 июнь көнендә архивланган. Сайт КГК
- ↑ Denis Aleev | Пианист. vk.com
- ↑ Denis Aleev. instagram.com
- ↑ Дулат-Алеев Денис Вадимович. clearspending.ru
Сылтамалар[үзгәртү | вики-текстны үзгәртү]
- Дулат-Алеев Вадим Робертович. 2021 елның 14 июнь көнендә архивланган. Сайт КГК
- Регина Бикчантаева. У музыки не должно быть музейного статуса. 2021 елның 14 июнь көнендә архивланган. «Республика Татарстан», 18.02.2016(рус.)
- Дулат-Алеев Вадим Робертович. Известные ученые(рус.)
Моны да карагыз[үзгәртү | вики-текстны үзгәртү]
| Элгәре: Нәҗип Җиһанов (1945―1988) Рубин Абдуллин (1988―2021) |
Казан дәүләт консерваториясе ректоры 2021—2024 |
Аннары: ' |