Виктор Зубков (1937)

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Виктор Зубков (1937) latin yazuında])
Навигациягә күчү Эзләүгә күчү
Виктор Зубков
Туган 24 апрель 1937(1937-04-24)
Ростов-на-Дону, РСФСР, СССР
Үлгән 16 октябрь 2016(2016-10-16)[1] (79 яшь)
Санкт-Петербург, Россия
Күмү урыны Троекуров зираты[d]
Ватандашлыгы Flag of the Soviet Union.svg СССР
Әлма-матер Русия дәүләт физик мәдәният, спорт, яшьләр һәм туризм университеты[d]
Һөнәре баскетболчы, кәрҗинтубы териниры
Эш бирүче РФ КК Гомумгаскәр академиясенең хәрби мөһәндисләр институты[d]
Спорт такымы әгъзасы ЦСКА[d]

Виктор Алексеевич Зубков (1937 елның 24 апреле, Ростов-на-Дону, ССРБ2016 елның 16 октябре, Мәскәү, Россия) — совет баскетболчысы, ССРБ атказанган спорт мастеры (1961), ике тапкыр Олимпия уеннары көмеш призёры: Мельбурнда (1956) һәм Римда (1960), ССРБ җыелма командасы составында өч тапкыр Аурупа чемпионы. Совет баскетболы тарихында иң яхшы үзәк уенчыларның берсе[2].

Тормыш юлы[үзгәртү | вики-текстны үзгәртү]

Виктор Зубков 1937 елның 24 апрелендә Ростов-на-Донуда туган. Әтисе — Алексей Иосифович Зубков (1911—1951). Әнисе — Ольга Ивановна Зубкова (1914 елда туган). Хатыны — Лариса Тимофеевна Зубкова (1938 елның 19 апрелендә туган).

Баскетболга 15 яшендә килгән. Ростов «Буревестник» баскетбол секциясендә тренер Валентина Ивановна Рыбниковада шөгыльләнгән.

1955—1956 елларда — «Буревестник» (Ростов-на-Дону) клубы өчен, 1957—1967 елларда Мәскәү ЦСКАсы өчен чыгыш ясый.

1956 елда РСФСР җыелма командасы тренеры Г. Т. Никитин аны үз командасы составына кертә һәм Виктор Зубков ССРБ халыклары Спартакиадасында үзен бик яхшы күрсәтә, анда россиялеләр дүртенче урынны алалар. Яшь үзәк уенчысына ССРБ җыелма командасының өлкән тренеры С.С. Спандарян игътибар итә. Ул спортчыны Мельбурндагы Олимпия уеннарына әзерләнә торган илнең төп командасына чакыра.

1956—1963 елларда ССРБ милли җыелма командасына керә, 1963 елда аның капитаны була. Чилидагы дөнья чемпионаты һәм Истанбулдагы (1959) Аурупа беренчелеге нәтиҗәләре буенча кыйтганың иң яхшы үзәк уенчысы дип таныла.

1963 елгы дөнья чемпионаты май аенда уза, ә инде көз 1963 елгы Аурупа чемпионатында Зубков җыелмада булмаган. Ул җыелмадан 26 яшендә алына[3].

1966 елда уен карьерасын тәмамлый.

1957 елда Беренче Ростов автомобиль-юл техникумын техник-төзүче белгечлеге буенча тәмамлый. 1968 елда Ленин ордены Дәүләт үзәк физик тәрбия институтын (хәзер — Россия физик тәрбия, спорт, яшьләр һәм туризм дәүләт университеты) тәмамлаган, белгечлеге — физик культура укытучысы.

1966—1975 елларда — В. В. Куйбышев исемендәге Хәрби-инженер академиясенең өлкән укытучысы, 1975—1979 елларда — кафедра башлыгы урынбасары.

1979—1981 елларда Мозамбик Республикасы милли җыелма командасы тренеры булып эшли. Советлар Берлегенә кайткач, 1994 елга кадәр янә В.В. Куйбышев исемендәге хәрби-инженерлык академиясендә укыта. Хәрби исеме — полковник.

1960 елда Хөрмәт Билгесе ордены белән бүләкләнгән.

1994 елдан пенсиядә. 2016 елның 16 октябрендә Мәскәүдә вафат була. Троекуров зиратында җирләнгән[4].

Казанышлар[үзгәртү | вики-текстны үзгәртү]

  • Silver Medal.svg Көмеш — 1956, 1960 елгы Олимпия уеннарының көмеш призёры
  • Bronze Medal.svg Бакыр — 1963 елгы дөнья чемпионатының бакыр призёры
  • Gold Medal.svg Алтын — 1957, 1959, 1961 елгы Аурупа чемпионы
  • Gold Medal.svg Алтын — ССРБ чемпионы (1959—1966)
  • Gold Medal.svg Алтын — 1959, 1963 елларда ССРБ халыклары Спартакиадалары җиңүчесе

Искәрмәләр[үзгәртү | вики-текстны үзгәртү]

  1. https://lenta.ru/news/2016/10/16/bask/
  2. Звездные мгновения Виктора Зубкова
  3. 100 лет российского баскетбола: история, события, люди: справочник / Автор-составитель В. Б. Квасков. — М.: Советский спорт. — 274 с.
  4. Умер Виктор Зубков

Сылтамалар[үзгәртү | вики-текстны үзгәртү]