Эчтәлеккә күчү

Виталий Хоценко

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Виталий Хоценко latin yazuında])
Виталий Хоценко
Омск өлкәсе губернаторы
Вазыйфага керешкән
2023 елның 22 сентябре
Президент Владимир Путин
Аңа кадәр Александр Бурков
ДХР хөкүмәте рәисе
Вазыйфада
2022 – 2023
Аңа кадәр Александр Ананченко
Дәвамчысы Евгений Солнцев
Шәхси мәгълүмат
Туган 16 март 1986(1986-03-16) (38 яшь)
СССР, Украин ССР, Днепропетровск
Сәяси фирка Бердәм Россия
Белем Мәскәү дәүләт университеты
РАНХиГС

Виталий Хоценко, Виталий Павел улы Хоценко (рус. Хоце́нко Вита́лий Па́влович, 1986 елның 16 марты, СССР, Украин ССР, Днепропетровск) — Россия сәясәтчесе. 2023 елның 22 сентябреннән Омск өлкәсе губернаторы (2023 елның 9 мартыннан 22 сентябренә кадәр Омск өлкәсе губернаторы вазыйфаларын вакытлыча башкаручы)[1]. Донецк Халык Республикасы хөкүмәте рәисе (2022 елның 8 июненнән 2023 елның 29 мартына кадәр). 2023 елның мартында «Бердәм Россия» партиясенә кергән.

Россиянең Украинага басып керүе сәбәпле, Европа Берлеге, АКШ, Бөекбритания һәм башка илләрнең халыкара санкцияләре астында тора.

Тәрҗемәи хәле[үзгәртү | вики-текстны үзгәртү]

1986 елның 16 мартында Украин ССР Днепропетровск (2016 елдан Днипро) шәһәрендә туган[2].

Әтисе — Павел Витальевич Хоценко, 1990 елларда[3] Ямалдагы округ Эчке эшләр министрлыгының оешкан җинаятьчелеккә каршы көрәш бүлеген җитәкли; 2011 елда Ямалдагы «Юрибей» хөкүмәт кунакханәсе җитәкчесе була, 2013 елда Халыкара нефть транспорт компаниясендә Ставрополь крае хакимият органнары белән элемтәләр буенча вәкил була, 2018 елда Яңа Уренгойда кунакханә комплексын үстерү буенча дирекция, Сочида милли парк, аннары Анападагы «Утриш» тыюлыгы белән җитәкчелек итә[2][3]. Әнисе Елена Хоценко «Газпром» структураларында эшләгән[3]. Гаиләсендә татар тамырлары булуны төбәкнең татар җәмәгатьчелеге белән төрле очрашуларда Виталий Хоценко үзе таныган (Омск өлкәсендә биш татар иҗтимагый оешмасы эшли, «Иске Себер» музей-тыюлыгында Татар ишегалды ачылган)[4].

2008 елда[5] Мәскәү дәүләт университетының социология факультетын (анда ул булачак ФБК[d] тикшерү бүлеге башлыгы Мария Певчихның[d] курсташы була[6][3]), «Бизнес-менеджмент» белгечлеге буенча Сингапур маркетинг институтын һәм «Юриспруденция» белгечлеге буенча Юриспруденция махсуслаштырылган институтын тәмамлаган[2][7].

РАНХиГСта «икътисадны дәүләт көйләве» белгечлеге буенча магистратураны[8] һәм Мәскәү дәүләт университетында аспирантураны тәмамлаган. Мәскәү дәүләт университетының хәрби кафедрасында уку нәтиҗәләре буенча аңа «лейтенант» хәрби дәрәҗәсе бирелгән[2][7].

Инглиз телендә иркен аралаша[7].

Социология фәннәре кандидаты. 2017 елда Көньяк федераль университетта[d] (Ростов-на-Дону) «Россия җәмгыятендә административ идарә субъектларының корпоративизмы» темасына диссертация яклаган[9].

Сәяси карьерасы[үзгәртү | вики-текстны үзгәртү]

Сәяси карьерасының башында Россия Федерациясе Иҗтимагый палатасы[d] әгъзасының ярдәмчесе булып эшләгән[2]. Төбәк матбугаты мәгълүматлары буенча, төбәктә карьера баскычы буенча тиз үсеше рәсми булмаган рәвештә аның ЯНАОда җинаятьчелеккә каршы көрәш бүлеген җитәкләгән әтисенең бәйләнешләре белән бәйле булган[2].

2008 елдан 2010 елга кадәр «Ямал-Регион» ОГТРК анализ һәм фаразлау бүлеге башлыгы булып эшләгән[7][3]. 2010 елда чүп-чарны сортлау өчен төрле пакетлар өчен берничә тишекле урна («Ямал» мини-контейнеры) патентлый. Уйлап табуның автордашы — Ямал эшкуары Юрий Золотов, әтисе Павел Хоценконың дусты[3].

2010 елның мартыннан Ямал-Ненец автономияле округының дәүләт хакимияте органнарында эшли. ЯНАОның фән һәм инновацияләр департаменты директоры, Ямал-Ненец автономияле округы губернаторының беренче урынбасары ярдәмчесе, эксперт-киңәшчесе була, сәнәгать, ягулык-энергетика һәм табигый-ресурс блокларына кураторлык итә[7].

2013 елның 16 декабрендә Ставрополь краеның энергетика, сәнәгать һәм элемтә министры итеп билгеләнә[7].

«Губернаторлар мәктәбе» нең дүртенче агымын тәмамлаучы, 2018―2019 елларда «Россия лидерлары» конкурсының финалисты[10].

2019 елның 12 сентябреннән РФ сәнәгать һәм сәүдә министрлыгының сәнәгать сәясәте һәм проект идарәсе департаменты директоры вазыйфасында[11][12][13]. РФнең III класслы хакыйкый дәүләт киңәшчесе (2021)[14].

2022 елның 8 июнендә Донецк Халык Республикасының Халык Советы ДХР Хөкүмәте Рәисе вазыйфасына Виталий Хоменко кандидатурасын хуплаган[15]. Шул ук көнне ДХР башлыгы Денис Пушилинның[d] Указы белән Виталий Хоценко республика Хөкүмәте рәисе итеп билгеләнгән [8][16]. 2022 елда Украинада тулы күләмле хәрби хәрәкәтләр башланганнан соң, Донбасста югары постка билгеләнгән беренче Россия чиновнигы булган [17].

Владимир Путин белән видеоконференция режимында очрашу

2022 елның 21 декабрендә Донецкидагы Дмитрий Рогозин[d] туган көне билгеләп үтелгән «Шеш-Беш» ресторанында яра ала. Беренче медицина ярдәме күрсәтелгәннән соң, хастаханәгә ятудан баш тарта[18][19].

2023 елның мартында «Бердәм Россия» партиясенә керә.

2023 елның 29 мартында Россия Президенты Владимир Путин Указы белән Омск өлкәсе губернаторы вазыйфаларын вакытлыча башкаручы итеп билгеләнә. Видеоконференция форматында Путин Хоценконың «5 ел Төньякта эшләвен» һәм Себер проблемаларының аның өчен «аңлаешлы, битараф булмавын» билгеләп үткән[17][20].

2023 елның 22 апрелендә «Бердәм Россия» Генераль советы секретаре Андрей Турчак[d] Хоценконың 2023 елда Омск өлкәсе губернаторы сайлауларында әлеге партиядән кандидат булачагын белдергән[21].

Керемнәре[үзгәртү | вики-текстны үзгәртү]

Керемнәр турында рәсми декларациягә ярашлы, 2018 елда Виталий Хоценко 1,8 млн сум акча эшләгән. Аның 96,3 м2 мәйданлы фатиры, 600 м2 бакча участогы һәм Mini Cooper автомобиле бар. Аның бер баласының 65,6 м2 мәйданлы фатиры бар[22].

Санкцияләр[үзгәртү | вики-текстны үзгәртү]

Росссиянең Украинага басып керүе сәбәпле 2022 елның 28 июнендә АКШның санкцияләр исемлегенә «ДНР Хөкүмәте рәисе» буларак кертелгән[23][24].

2022 елның 19 августында Канаданың санкцияләр исемлегенә кертелгән[25][26].

2022 елның 6 октябрендә Европа берлеге илләренең санкцияләр исемлегенә кертелгән[27].

Бөекбритания[28], Швейцария, Австралия, Япония[29], Украина[30] һәм Яңа Зеландия[31] санкцияләре астында тора.

Бүләкләре, мактаулы исемнәре[үзгәртү | вики-текстны үзгәртү]

  • 2022 – II дәрәҗә «Ватан алдында казанышлар өчен» орденының медале[32];
  • 2023 – Почёт ордены (Россия)[33].

Искәрмәләр[үзгәртү | вики-текстны үзгәртү]

  1. Виталий Хоценко официально вступил в должность губернатора Омской области.
  2. 2,0 2,1 2,2 2,3 2,4 2,5 Что известно о новом премьере ДНР Виталии Хоценко. Коммерсантъ (2022-06-08).
  3. 3,0 3,1 3,2 3,3 3,4 3,5 Александр Горбачёв {{{башлык}}} // Холод.
  4. Губернаторы, православный миллиардер и олимпийские чемпионы: кого вырастили матери-татарки? БИЗНЕС Online на Дзене, 26.11.2023(рус.)
  5. «Взрыв» вхолостую - Информационное агентство Говорун26. әлеге чыганактан 2023-03-29 архивланды. 2023-11-26 тикшерелгән.
  6. Новый премьер-министр ДНР оказался однокурсником Марии Певчих. СВТВ Либертарианское СМИ (2022-06-18).
  7. 7,0 7,1 7,2 7,3 7,4 7,5 Хоценко Виталий Павлович. Neftegaz.ru (2022-06-08).
  8. 8,0 8,1 Игорь Мартов (2022-06-08). В ДНР назначили нового председателя правительства Виталия Хоценко. Московский комсомолец.
  9. Что известно о врио губернатора Омской области Виталии Хоценко.
  10. Главой правительства ДНР стал директор департамента Минпромторга РФ. Фонтанка (2022-06-08).
  11. Бывший ямальский чиновник вышел на работу в федеральном министерстве. Ура.ру (2019-09-13).
  12. Виталий Хоценко: Впереди большая, ответственная работа. И родное Ставрополье всегда со мной. Ставропольская правда (2019-09-17).
  13. Мантуров подтвердил, что Хоценко работал в Минпромторге. РИА Новости (2022-06-08).
  14. Указ Президента Российской Федерации от 16.07.2021 № 420.
  15. Парламент ДНР поддержал кандидатуру Хоценко на должность премьера. РИА Новости (2022-06-08).
  16. Пушилин подписал указ о назначении Хоценко председателем правительства ДНР. РИА Новости (2022-06-08).
  17. 17,0 17,1 Владимир Путин назначил председателя правительства ДНР врио губернатора Омской области (2023-03-29).
  18. Дмитрий Рогозин получил ранение в Донецке.
  19. Двое погибли, шестеро ранены: кадры обстрела ресторана Донецка, где пострадали Рогозин и Хоценко. ТК Звезда (2022-12-22). 2022-12-22 тикшерелгән.
  20. Путин назначил врио губернатора Омской области бывшего главу правительства самопровозглашенной ДНР Виталия Хоценко (2023-03-29).
  21. Андрей Турчак: «Единая Россия» выдвинет Виталия Хоценко на выборах губернатора Омской области.
  22. Министр промышленности Ставропольского края ушел в отставку (2019-09-12).
  23. Russia-Related Designations and Designations Updates; Issuance of Russia-Related General Licenses and Related Frequently Asked Questions.
  24. U.S. Treasury Sanctions Nearly 100 Targets in Putin’s War Machine, Prohibits Russian Gold Imports.
  25. Канада вводит санкции против 62 физлиц и одной структуры в связи с ситуацией на Украине
  26. Global Affairs Canada (2022-02-04). Sanctions – Russian invasion of Ukraine.
  27. Official Journal L 259I/2022.
  28. Два племянника Усманова, 29 губернаторов и министр. Кто пополнил британский санкционный список
  29. 資産凍結等の措置の対象となるロシア連邦の個人及び団体.
  30. ХОЦЕНКО Виталий Павлович - биография, досье, активы. әлеге чыганактан 2023-03-29 архивланды. 2023-11-26 тикшерелгән.
  31. Vitaliy Pavlovich KHOTSENKO.
  32. Указ Президента Российской Федерации от 14.06.2022 № 375.
  33. Главу правительства ДНР наградили орденом Почёта

Сылтамалар[үзгәртү | вики-текстны үзгәртү]