Владимир Шнепп

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Владимир Шнепп latin yazuında])
Навигациягә күчү Эзләүгә күчү
Владимир Шнепп
Туган 17 июнь 1924(1924-06-17)
Казан, РСФСР, СССР
Үлгән 21 март 1997(1997-03-21) (72 яшь)
Казан, Россия
Әлма-матер Казан милли тикшеренү технология университеты

Владимир Борисович Шнепп (1924 елның 17 июне, Казан, ССРБ1997 елның 21 марты, Казан, Россия) — компрессорлар төзү өлкәсендә совет һәм Россия галиме, техник фәннәр докторы (1984), профессор (1986), Россия Федерациясенең Атказанган фән һәм техника эшлеклесе (1994), ССРБ Дәүләт премиясе лауреаты (1980).

Тормыш юлы[үзгәртү | вики-текстны үзгәртү]

Владимир Шнепп 1924 елның 17 июнендә Казанда туган.

1942—1946 елларда совет алманнарының хезмәт армиясендә эшли: Зөя шәһәре урман заводында, «Воркутауголь» комбинатында.

Казан химия-технология институтын тәмамлаганнан соң (1951) Казан компрессор заводында мастер, бүлекнең өлкән инженеры, баш технолог булып эшли. 1958 елдан компрессорлар төзү буенча конструкторлар бюросының (хәзерге вакытта НИИтурбокомпрессор; 1997 елдан башлап НИИтурбокомпрессор Шнепп исемен йөртә.) баш конструкторы, 1985 елдан башлап бүлек мөдире, 1987 елдан — консультант.

Бер үк вакытта 1984—1988 елларда Казан химия-технология институтының компрессор машиналары һәм җайланмалары кафедрасында эшли.

Шнепп җитәкчелегендә унификация нигезендә машиналарны конструкцияләүнең югары нәтиҗәле системасы булдырылган; 200дән артык төр поршень, үзәк, винт компрессорлары эшләнгән һәм гамәлгә кертелгән.

1997 елның 21 мартында Казанда вафат була.

Фәнни мәнфәгатьләр[үзгәртү | вики-текстны үзгәртү]

Владимир Шнепп хезмәтләре турбокомпрессорларда күчәр көчләр теориясенә һәм шуу подшипникларында роторларның тирбәнүе теориясенә, вакуум техникасы, пневмосистемалар, приводлар системасына һәм машиналар детальләре өлкәсенә карый.

Уйлап табуларга 21 авторлык таныклыгы бар[1].

Бүләкләр[үзгәртү | вики-текстны үзгәртү]

Кызыл Байрак Хезмәт ордены, Хөрмәт Билгесе ордены, медальләр, шул исәптән ССРБ ВДНХ алтын һәм бакыр медальләре белән бүләкләнә.

Төп хезмәтләре[үзгәртү | вики-текстны үзгәртү]

  • Разработка и исследование циркуляционных центробежных компрессоров с саморегулируемым разгрузочным устройством [Текст]: Автореферат дис. на соискание ученой степени кандидата технических наук / Казан. хим.-технол. ин-т им. С. М. Кирова. — Казань: [б. и.], 1967. — 19 с.
  • Проектирование и исследование компрессорных машин: Сб. науч. тр. / Казан. хим.-технол. ин-т им. С. М. Кирова, Спец. конструкт. бюро по компрессоростроению; Под ред. В. Б. Шнеппа. — Казань, 1982. — 136 с.
  • Создание и внедрение высокоэффективных центробежных компрессоров в блочно-модульном исполнении на основе агрегатирования и унификации: диссертация … доктора технических наук в форме научного доклада: 05.04.06. — Ленинград, 1983. — 52 с.
  • Конструкция и расчет центробежных компрессорных машин. М.: Машиностроение, 1995. 239,[1] с.: ил.; 21 см; ISBN 5-217-01196-3

Әдәбият[үзгәртү | вики-текстны үзгәртү]

  • Выпускники — гордость Казанского технологического университета: Краткий биографический справочник. Казань, 2009.
  • Татарская энциклопедия. Т. 6. Казань, 2014.

Искәрмәләр[үзгәртү | вики-текстны үзгәртү]

  1. Шнепп Владимир Борисович