Габделәхәт Хәбибуллин
| Әхәт Хәбибуллин | |
|---|---|
| Туган телдә исем | Габделәхәт Габделхәй улы Хәбибуллин |
| Туган | 9 май 1952 (73 яшь) Түбән Чаллы, Ширәмәт районы, ТАССР, РСФСР  /.svg){kind=small} ССРБ |
| Милләт | татар |
| Ватандашлыгы | СССР→ Россия |
| Һөнәре | язучы |
Габделәхәт Габделхәй улы Хәбибуллин (Әхәт Хәбибуллин; рус. Габдулахат Габдулхаевич Хабибуллин; 09.05.1952, Түбән Чаллы, Ширәмәт районы, ТАССР, РСФСР / ССРБ) — татар язучысы, 2008 елдан Татарстан Язучылар берлеге әгъзасы (2008), Татарстанның атказанган мәдәният хезмәткәре, Рафаил Төхфәтуллин, Сәҗидә Сөләйманова исемендәге (2010) премияләр лауреаты,[1][2][3] Самбо буенча СССРның спорт мастеры.[4]
Биографиясе
[үзгәртү | вики-текстны үзгәрт]Габделәхәт Габделхәй улы Хәбибуллин 1952 елның 9 маенда Ширәмәт районы (хәзерге Түбән Кама районы) Түбән Чаллы авылында колхозчы гаиләсендә уникенче бала булып туа.[5]
Нефть өлкәсендә озак еллар хезмәт куя.[6] Аның тормышы диңгез, нефть чыгару белән бәйле.[7]
Авыл мәктәбен тәмамлаганнан соң Бөгелмә нефтьчеләр училищесын тәмамлый. 1970-72 елларда Кавказда хәрби хезмәттә була. Армиядән өч ел Әлмәт физкультура техникумында укый. 1976 елда Находка шәһәренә күченә. 1976-82 елларда балык тотучы «Лотос» дигән корабта хезмәт итә. 1982 елны ул Әлмәткә әйләнеп кайта. 8 ел нефтьче булып эшли. 1990 еллар башында төзелеш эшләре белән бәйле үзенсн шәхси оешмасын ача. Шул ук елларда Әлмәт, Түбән Кама, Казан газеталарында анын очерклары, хикәяләре күренә башлый.[4][5] Ул диңгез тормышы турында, көндәлекләренә нигезләнеп, әсәр яза башлый һәм 2001 елда аларны туплап «Ялгыш язмышлар» романы итеп «Матбугат йорты» нәшриятында бастыра.[5]
2008 елның гыйнварында Татарстан Язучылар берлегенә кабул ителә.[5]
Бүгенге көндә Әлмәт каласында яши.[8]
Гаиләсе
[үзгәртү | вики-текстны үзгәрт]Өйләнгән, хатыны — Наилә. Бер кызы һәм улы бар.[4]
Китаплары
[үзгәртү | вики-текстны үзгәрт]- «Чал Калатаулы Түбән Чаллы»,
- «Ялгыш язмышлар» (2001)
Бүләк һәм премияләре
[үзгәртү | вики-текстны үзгәрт]- Татарстан Язучылар берлеге әгъзасы (2008),
- Татарстанның атказанган мәдәният хезмәткәре,
- Саҗидә Сөләйманова исемендәге әдәби премия лауреаты (2011),
- Рафаил Төхфәтуллин исемендәге премия лауреаты.
Искәрмәләр
[үзгәртү | вики-текстны үзгәрт]- ↑ Премия имени Сажиды Сулеймановой.
- ↑ Названы лауреаты литературной премии имени Сажиды Сулеймановой 2010 года.
- ↑ Альметьевске вручены премии Сажиды Сулеймановой.(үле сылтама)
- ↑ 4,0 4,1 4,2 Юбилярның мәгыйшәтенә бер караш.
- ↑ 5,0 5,1 5,2 5,3 Казан Утлары. Берлекнең яңа әгъзалары.
- ↑ Юбилярның мәгыйшәтенә бер караш.
- ↑ Национальная электронная библиотека Республики Татарстан., archived from the original on 2024-07-29, retrieved 2024-07-29
- ↑ Якташларын зурладылар.