Гавриил Непряхин

Гавриил Непряхин
Туган	24 март 1896(1896-03-24) Әстерхан, Россия империясе
Үлгән	20 март 1980(1980-03-20) (83 яшь) Казан, РСФСР, СССР
Ватандашлыгы	Россия империясе  СССР
Әлма-матер	Н. Г. Чернышевский исемендәге Сарытау дәүләт университеты
Һөнәре	галим
Эш бирүче	Казан (Идел буе) федераль университеты
Катнашкан сугышлар/алышлар	Алман-совет сугышы
Гыйльми дәрәҗә:	медицина фәннәре докторы[d]
Гыйльми исем:	профессор

Гавриил Георгиевич Непряхин (1896 елның 24 мартында, Әстерхан - 1980 елның 20 мартында, Казан шәһәре) - патологоанатом, медицина фәннәре докторы, профессор. Бөек Ватан сугышы катнашучысы.

Биография

Гавриил Георгиевич Непряхин 1896 елның 24 мартында Әстерханда туган. 1919 елда Н.Г.Чернышевский исемендәге Сарытау дәүләт университетының медицина факультетын тәмамлый. Студентлык елларында аны клиникага профессор А. М. Левковский (Саратов университетының нейропатологы) стажировка үтәргә чакыра. Аның җитәкчелегендә 1942 елда ул "Бизгәк: клиник-анатомик һәм эксперименталь тикшеренүләр" темасы буенча докторлык диссертациясен яклый.

Эш урыны: фельдшер, вакцинатор, массажист, яраланган һәм авыру солдатларны йөртү вакытында озатучы, авыл, тимер юл һәм балык тоту өлкәсендә табиб, балык тоту лабораторияләре, яралылар һәм качаклар өчен хастаханәләрдә йогышлы авырулар белгече, прозектор, региональ патолог, Кавказ фронтындагы Таман дивизиясенең хәрби табибы; Әстерхан дәүләт медицина институтының патологик анатомия бүлеге ярдәмчесе (1920-1924), Казан университеты хезмәткәре (1924-1927).

Бөек Ватан сугышы елларында Непряхин Г.Г. Әстерхан медицина институтының патанатомия кафедрасын җитәкли, шулай ук Әстерхан фронтының эвакогоспитальләрендә баш патологоанатом булып эшли. Сугыштан соң эшен Әстерхан медицина институтында дәвам итә, патологик анатомия кафедрасы мөдире вазифасын үти (1927-1955); аннан соң - Әстерхан фронтының эвакогоспитальләрнең баш патологоанатомы (1941-1945); Төньяк осетин медицина институтының истология кафедрасын җитәкли (1954-1959); Казан медицина институтының патологик анатомия кафедрасы җитәкчесе (1959-1966) (хәзерге Казан дәүләт медицина университеты); Казан дәүләт медицина университетының үзәк фәнни-тикшеренү лабораториясендә эшен дәвам итә (КДМУ) (1967-1980). Казан патологоанатомларының фәнни җәмгыяте рәисе була.

Г. Г. Непряхин җитәкчелегендә 12 докторлык һәм 36 кандидатлык диссертациясе әзерләнде һәм якланды.

Тикшеренү өлкәсендә кызыксынулары: бизгәк, алименталь дистрофия, әкрен төзәлүче яраларның патогенезы, йогышлы һәм онкопатологик авырулар, ревматизм, атеросклероз, төрле күзәнәкләр һ.б.

Гавриил Георгиевич Непряхин 1980 елның 20 мартында Казанда үлә.

Хезмәтләре

Непряхин Гавриил Георгиевич - якынча 80 фәнни басма авторы.

• Популяр медицина турында очерклар. Әстерхан. 1924.
• Профессор Г. Г. Непряхинның “Бизгәк; клиник, анатомик һәм эксперименталь тикшеренүләр" темасына язылган докладына тезислар. - Әстерхан. 1940.

Әдәбият

• Зубрицкий А. Н. Памятные даты патологоанатомов России 2016 года. — Смоленск, 2016;
• Казанский государственный медицинский университет (1804—2004 гг.): Заведующие кафедрами и профессора: Биографический словарь / В. Ю. Альбицкий, М. Э. Гурылева, Н. Х. Амиров и др. Под ред. В. Ю. Альбицкого, Н. Х. Амирова. — Казань: Магариф, 2004. — 472 с.;
• Казан. мед. журнал. — 1971. — № 6. — С.78-79; Там же. — 1976. — № 3. — С.282;
• Кто есть кто в патологической анатомии в России. Биографический справочник / Редактор-составитель А. Н. Зубрицкий. — М.: Астрея-центр, 2015. — С.113-114.

Сылтамалар

• Непряхин Гавриил Георгиевич. Памятные даты патологоанатомов России
• Непряхин Гавриил Георгиевич
• Непряхин Гавриил Георгиевич(үле сылтама)