Гадилә Бүләкова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Гадилә Бүләкова latin yazuında])
Навигациягә күчү Эзләүгә күчү
Гадилә Бүләкова
Туган 11 апрель 1957(1957-04-11) (64 яшь)
Бөрҗән районы, Башкорт Автономияле Совет Социалистик Республикасы, РСФСР, СССР
Әлма-матер Башкорт дәүләт университеты
Һөнәре галим
Бүләк һәм премияләре Башкортстан Республикасының атказанган мәгариф хезмәткәре (2012).

Бүләкова Гадилә Мөдәрис кызы (11 апрель 1957 ел) — галим-әдәбият белгече, югары мәктәп укытучысы. Филология фәннәре кандидаты (1990). Башкортстан Республикасының атказанган мәгариф хезмәткәре (2012).

Биографиясе[үзгәртү | вики-текстны үзгәртү]

Гадилә Мөдәрис кызы Бүләкова (кыз фамилиясе Галикәева) 1957 елның 11 апрелендә Башкорт АССРның Бөрҗән районы Габделмәмбәт (Кыпчак) авылында икесе дә гомере буе укытучы булып эшләгән Рәхилә Ирназарова белән Мөдәрис Галикәевләрне ишле, тату гаиләсендә бишенче бала булып туган.

Башта туган авылында сигезьеллык, аннан Байназарда урта мәктәпне тәмамлагач, Башкорт дәүләт университетының филология факультетының башкорт-рус бүлегенә укырга керә.

Биредә Әхнәф Кирәев, Ким Әхмәтҗанов, Габдерахман Галләмов, Нәгыйм Ишбулатов, Марат Зәйнуллин, Роберт Баемов, Тимергали Килмөхәммәтов, Әхмәт Сөләйманов, Гали Сәетбатталов, Вәли Печәнчин кебек күренекле галимнәрдән белем ала.

Студент елларында тел гыйлеме һәм драма түгәрәкләренә йөри. Студентларның һәм яшь галимнәрнең гыйльми конференцияләрендә катнаша. Гыйльми җыентыкларда мәкаләләре басылып чыга.

Башкорт-рус бүлеген уңышлы тәмамлап, Бөрҗән районы Иске Монасыйп урта мәктәбендә укытучы булып эшли. Күп тә тормый, аңа СССР Фәннәр академиясе Башкортстан филиалы Тарих, тел һәм әдәбият институтына юллама бирәләр һәм ул 1982 елда аспирантурага укырга керә.

1990 елда филология фәннәре докторы, профессор, күренекле язучы Гайсә Хөсәенов җитәкчелегендә «Башкорт балалар прозасында герой проблемасы» дигән темага кандидатлык диссертациясен уңышлы яклап, шушы ук институтта гыйльми хезмәткәр булып эшли башлый. Бер үк вакытта Башкорт дәүләт педагогия институтының башлангыч белем бирү методикасы кафедрасында дәресләр алып бара.

1986-1990 елларда Тарих, тел һәм әдәбият институтында гыйльми хезмәткәр, 1990-1993 елларда Башкорт дәүләт педагогия институтында өлкән укытучы, 1993 елдан БДУның (ул вакытта БДПИның) Сибай институтында өлкән укытучы, доцент, профессор дәрәҗәсендә, 1997 елдан башкорт әдәбияты һәм мәдәнияте тарихы кафедрасы (хәзер башкорт филологиясе кафедрасы) мөдире булып эшли.

Гадилә Бүләковага 2012 елда «Башкортстан Республикасының атказанган мәгариф хезмәткәре» дигән мактаулы исем бирелә.

Мәҗит Гафуриның мемориаль йорт-музееның гыйльми хезмәткәре.

Гыйльми эшчәнлеге[үзгәртү | вики-текстны үзгәртү]

150дән артык гыйльми хезмәт, шул исәптән 3 монография авторы:

  • Әдибәнең әйтер сүзе — Сибай, 2009;
  • Чәчән сүзе — Уфа: БДУ, 2010;
  • Чәчәнмен, дип кем әйтмәс... — Уфа: Гыйлем, 2012.
  • Башкортостандагы татар мәктәпләренең 1-нче (Уфа: Китап, 1994, 2000), 2-нче (Уфа: Китап, 1994, 2000), 3-нче (Уфа: Китап, 1993, 2002), 4-нче (Уфа: Китап, 2008) сыйныф укучылары өчен башкорт балалар әдәбияты буенча класстан тыш «Башкортстан — туган җирем» дигән уку китапларының төзүче-авторы (автордашы — Д.Г. Морзакаева).

Мактаулы исемнәре[үзгәртү | вики-текстны үзгәртү]

  • Башкортстан Республикасының атказанган мәгариф хезмәткәре (2012)

Сылтамалар[үзгәртү | вики-текстны үзгәртү]