Галимҗан Сәйфетдинев
| Галимҗан Сәйфетдинев | |
|---|---|
| Туган | 29 гыйнвар 1882 Троицк, Троицк өязе, Ырынбур губернасы, Россия империясе |
| Үлгән | 10 сентябрь 1918 (36 яшь) Казан, РСФСР |
| Әлма-матер | Казан Татар укытучылар мәктәбе |
| Эш бирүче | «Кызыл байрак» һәм «Аваз» |
Галимҗан Сәйфетдинев (29 гыйнвар 1882, Троицк, Троицк өязе, Ырынбур губернасы, Россия империясе — 10 сентябрь 1918 (36 яшь), Казан, РСФСР) — сәясәт эшлеклесе. 1902-1903 елларда Казанда инкыйлаби яшьләр түгәрәге әгъзасы. Прокламацияләр таратуда, инкыйлаби эчтәлекле брошюралар тәржемә итүдә, җилембасма «Республика» гәҗитен чыгаруда катнаша. 1905 елда кулга алына һәм Ырынбур шәһәренә сөргенгә озатыла; сөргендә «Степь», «Оренбургский край», «Урал» гәҗитләрендә хезмәттәшлек итә. 1917 елда Мөселман социалистлар комитетын оештыруда катнаша, комитетның президиумы һәм «Кызыл байрак», «Аваз» гәҗитләре мөхәррирләр коллегиясе әгъзасы. Казанда Совет хакимиятен урнаштыруда якыннан катнаша. 1918 елда Совет хакимиятенә каршы баш күтәргән чех-словаклар тарафыннан атып үтерелә.[1]