Гыйз-әл Габид
 |
Бу мәкаләнең сыйфатын арттырыр өчен түбәндәгеләрне эшләргә кирәк?:
|
| Гыйз-әл Габид | |
|---|---|
| Туган телдә исем | Гыйззәтулла Лотфулла улы Габидуллин |
| Туган | 1 июль 1918 Ырынбур өлкәсе, Тоцк районы, Хөсәен |
| Үлгән | 1955 Урта Азия |
| Милләт | татар |
| Һөнәре | шагыйрь, хәрби |
Гыйз-әл-Габид (Гыйззәтулла Лотфулла улы Габидуллин) (1918-1955) — Бөек Ватан сугышы катнашучысы, татар шагыйре.
Тәрҗемәи хәл[үзгәртү | вики-текстны үзгәртү]
Фронтовик шагыйрь Гыйз-әл-Габид (Гыйзәтулла Лотфулла улы Габидуллин) 1918 елның 7 гыйнварында Оренбур өлкәсенең Тоцк районы Хөсәен авылында урта хәлле крәстиян гаиләсендә туа. Җидееллык авыл мәктәбен тәмамлаганнан соң, 1935-1937 елларда Богырыслан педагогия техникумында укый. Укуын тәмамлагач, ике елга якын Башкортостанда укытучы булып эшли.
Бөек Ватан сугышында[үзгәртү | вики-текстны үзгәртү]
1939 елда армиягә алынып, Ерак Көнчыгышта хезмәт итә. Ватан сугышында катнаша, гади солдат, соңыннан фронт газетасы хәбәрчесе-офицер сыйфатында Ленинградтан алып Финляндия һәм Төньяк Норвегиягә кадәр сугышчан юл уза; фашистлар Германиясе җиңелгәч, яңадан Ерак Көнчыгышка җибәрелеп, Япониягә каршы сугыш хәрәкәтләрендә катнаша.
1946 елдан армиядән кайткач, Гыйз-әл-Габид Урта Азиядә яши, балалар укыта. Ватан сугышында алган яралардан сәламәтлеге какшаган фронтовик 1955 елда вакытсыз вафат була.
Иҗат[үзгәртү | вики-текстны үзгәртү]
Шагыйрьнең зур булмаган әдәби мирасы (иллеләп шигыре) Ватан сугышы чоры солдат поэзиясенең бер сәхифәсе буларак әһәмиятле. Аның шигырьләре окопта, сугыш тынып торган ял вакытларында, Төньякның кырыс таш-таулары арасында языла. Аларда сугыш чынбарлыгы, шагыйрь үзе кичергән, үзе күргән вакыйгалар тәэсирендә туган күңел кичерешләре, гадел сугыш алып барган солдатның җиңүгә булган ышанычы, ватандарлык хисләре поэтик чагылыш таба.
Гыйз-әл-Габид иҗат мирасыннан бер төркем шигырьләр “Алар сафта” (1961, 1985) һәм “Беренче карлыгачлар” (1968) исемле күмәк җыентыкларда басылып чыга.
Сылтамалар[үзгәртү | вики-текстны үзгәртү]
- Әлфия Җамали “ЯВ”, 10/01/2013
