Гөлшат Нигъмәтуллина

Гөлшат Нигъмәтуллина
ТР МК Гражданлык хәле актларын теркәү идарәсе башлыгы
Вазыйфада
Вазыйфага керешкән 2019 елның 22 феврале
Туган	26 июль 1968(1968-07-26) (55 яшь)

Гөлшат Нигъмәтуллина, Гөлшат Рәдиф кызы Нигъмәтуллина (1968 елның 26 июле, ССРБ, РСФСР, ТАССР, Казан) — Татарстан Җөмһүрияте Министрлар Кабинетының Гражданлык хәле актларын теркәү идарәсе башлыгы (2019 елның 22 февраленнән).

Тәрҗемәи хәле

1968 елның 26 июлендә Казанда туган. «Музыка белеме» белгечлеге буенча Казан дәүләт консерваториясен (1993), MBA программасы буенча Казан дәүләт финанс-икътисад институтын (2007) тәмамлаган.

Хезмәт юлы

1988-1990 елларда — Казан шәһәренең махсуслаштырылган уку йортларында укытучы.

1990—1993 елларда — Татарстан ДТРК радиосының музыка тапшырулары редакторы.

1993—2009 елларда — ТР мәдәният министрлыгында: сәнгать бүлеге баш белгече, министр ярдәмчесе, социаль-мәдәни эш һәм муниципаль мәдәният оешмалары белән бәйләнешләр бүлеге җитәкчесе, 2008—2009 елларда — Татарстан мәдәният министры урынбасары.

2009—2019 елларда — Татарстан Республикасы Министрлар Кабинеты аппаратының мәдәният һәм ТР халыклары телләрен үстерү идарәсе башлыгы.

2019 елның 22 февраленнән — Татарстан Республикасы Министрлар Кабинетының Гражданлык хәле актларын теркәү идарәсе башлыгы.

Бүләкләре, мактаулы исемнәре

• 2005 — «Казанның 1000 еллыгы истәлегенә» медале
• 2023 ― «Татарстан Республикасы алдындагы казанышлар өчен» ордены медале ― республикада Гражданлык хәле актларын дәүләт теркәве системасын үстерүгә һәм камилләштерүгә керткән аерым өлеше, дәүләт хакимияте органнарында күпьеллык нәтиҗәле хезмәте өчен

Сылтамалар

• Гөлшат Рәдиф кызы Нигъмәтуллина 2019 елның 14 август көнендә архивланган.