Дайна шкафы

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Дайна шкафы latin yazuında])
Навигациягә күчү Эзләүгә күчү
Дайна шкафы
Фото
Латвия милли китапханәсендә урнаштырылган Дайналар шкафы
Ил Латвия
Өлкә Музыка
Кертелү тарихы

Дайна Шкафы, шулай ук җырлар шкафы[1] (лтш. Dainu skapis) — латыш фольклорчысы Кришьянис Барон тарафыннан булдырылган дайна латыш халык җырлары тупланмасы.[2] Латыш халкының милли үзаңында иң мөһим урыннарның берсен биләп тора, кайбер чакта милли гыйбадәтханә дип тә исемләнә.[3]

Тарих[үзгәртү | вики-текстны үзгәртү]

Кришьянис Барон рус алпавыты Иван Станкевич гаиләсендә укытучы булып эшли һәм бу елларда латыш көйләрен, шул исәптән дайналарны да туплауга керешә[4]. 218.000 дайна тәшкил иткән тупланманы күп томда нәшер итә.

Шкаф 1880 елда Мәскәүдә Кришьянис Барон тарафыннан үз сызымнары нигезендә төзелә.[5]

Фольклорчы үлгәннән соң, шкаф аның туганнанрында саклана, ә 1941 елда латыш фольклор саклау урынына тапшырыла. 1946 елда Латвия ССРның Әдәбият, фольклор һәм сәнгать институтына күчерелә, 1998 елда Латвия университетының Әдәбият, фольклор һәм сәнгать институтына тапшырыла.1998-2006 елларда дайналар цифрлаштырыла, рәсми сайтта урнаштырыла һәм 2014 елдан Латвия милли китапханәсендә саклана башлый.[6] 2001 елда ЮНЕСКО тарафыннан "Җир истәлеге" исемлегенә кертелә.

Тасвирлама[үзгәртү | вики-текстны үзгәртү]

Шкафның зурлыгы биеклеккә 160 см, озынлыкка 42 см һәм киңлеккә 66 см тәшкил итә. Шкаф ике өлештән тора.[2] Һәр өлеш 20 бүлектән торган 35 тартмадан гыйбарәт. Һәр тартмада 3 × 11 см зурлыктагы 150-200 кулъязма урнаштырылган. Төптә урнашкан 3 тартмада хатлар һәм кешеләр исемлеге саклана.[5] Шкаф тупланмасы 268 815 данә язма тәшкил итә. Дайналардан тыш, бу кәгазьләрнең кайберсендә табышмаклар һәм әйтемнәр теркәлгән.[4]

Бүгенге көндә шкафның ике копиясе бар: берсе Рига шәһәренең Барон музеенда, икенчесе Белгород өлкәсенең Мухоудеровка авылында саклана.[1][4]

Шулай ук карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. 1,0 1,1 «100 символов культуры»: латышские дайны. rus.lsm.lv. 2019-09-15 тикшерелде.
  2. 2,0 2,1 Latvijas enciklopēdija. Том II. — Рига: Valērija Belokoņa izdevniecība.
  3. Eintrag zu den Dainas auf den Seiten des Latvijas Institūts
  4. 4,0 4,1 4,2 Dainu skapis |. 2016-12-10 тикшерелде.
  5. 5,0 5,1 «Несгораемый шкаф» для дайн. www.grani.lv. 2019-09-15 тикшерелде.
  6. Literatūra / Diena. 2016-12-10 тикшерелде.

Чыганаклар[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]