Дамир Йосыпов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Дамир Йосыпов latin yazuında])
Навигациягә күчү Эзләүгә күчү
Дамир Йосыпов
Туган телдә исем Дамир Касыйм улы Йосыпов
Туган 15 сентябрь 1977(1977-09-15) (42 яшь)
Красноярск крае, Игарка, ССРБ
Милләт татар
Ватандашлыгы РФ
Әлма-матер Сембер граждан авиациясе институты[d]
Һөнәре очучы, һава судносы командиры
Ата-ана
  • Касыйм Камил улы Йосыпов (әти)
  • Минзилә Йосыпова (әни)
Бүләк һәм мөкәфәтләре Россия Федерациясе Каһарманы

Дамир Касыйм улы Йосыпов (1977, Игарка, Красноярск крае, ССРБ) - ватандашлар авиациясе Рәсәй очучысы. Россия Федерациясе Каһарманы (2019).

2019 елның 15 августында "Урал һава юллары" авиаширкәте Airbus A321 очкычының командиры буларак һәлакәткә эләккән очкычны Жуковский янында кукуруз кырында утырта ала, барлык юлчылар һәм экипаж исән калган. Күрсәткән батырлыгы, кыюлыгы, 233 кешене коткару өчен 16 августта Россия Каһарманы дәрәҗәсенә лаек булган.

Тормыш юлы[үзгәртү | вики-текстны үзгәртү]

1977 елда Дамир Красноярск крае Игарка шәһәрендә татар гаиләсендә дөньяга килә. Әтисе дә Ми-8 боралагында эскадрилья командиры булып эшләгән.

1993 елда гаилә Сызрань шәһәрендә күчә. 1996 елда Сызрань политехник көллиятен тәмамлый, армиядә танк гаскәрендә хезмәт итә.

Беренче тапкыр очучы укуханәсендә керә алмый, чөнки медкомиссияне узмый. 2005 елда читтән торып юридик факультетны тәмамлый.

2013 елда Богыруслан очучы укуханәсен тәмамлый.

Сызраньдә татар милли-мәдәни мохтариятендә актив эшлекле була, юридик мәсьәләләрдә күп булыша.

2018 елда читтән торып Сембердә ватандашлар авиациясе институты (аэронавигация) тәмамлый, Ульяновскийдә укыганда Дамир мәчеттә торган, җирле мәхәллә актив кешесе булган.

2019 елның 16 августында РФ президенты карары буенча күрсәткән батырлыгы өчен очкыч командиры Дамир Йосыповка һәм икенче пилот Георгий Морзинга Россия Федерациясе Каһарманы дәрәҗәсе бирелә.

Сылтамалар[үзгәртү | вики-текстны үзгәртү]