Дилбәр Булатова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Дилбәр Булатова latin yazuında])
Навигациягә күчү Эзләүгә күчү
Дилбәр Булатова
Файл:.jpg
Туган телдә исем Дилбәр Данис кызы Сөләйманова
Туган 12 гыйнвар 1972(1972-01-12) (49 яшь)
БАССР Чакмагыш районы Кашкар авылы
Милләт татар
Ватандашлыгы ССРБFlag of the Soviet Union.svg ССРБ
РусияFlag of Russia.svg Русия
Һөнәре язучы, журналист
Бүләк һәм премияләре Илдар Юзеев премиясе
Башкортстанның атказанган матбугат һәм киң мәгълүмат хезмәткәре

Дилбәр Данис кызы Сөләйманова, тәхәллүсе Дилбәр Булатова (12 гыйнвар 1972) — Башкортстанда яшәп татар телендә иҗат итүче язучы, публицист. Башкортстан Язучылар берлеге әгъзасы. Илдар Юзеев исемендәге премия лауреаты (2021). Башкортстанның атказанган матбугат һәм киң мәгълүмат хезмәткәре (2021).

Биографиясе[үзгәртү | вики-текстны үзгәртү]

Булатова Дилбәр Данис кызы 1972 елның 12 гыйнварында Башкорт АССР-ының Чакмагыш районы Кашкар авылында туган. Үзләрендә башлангыч мәктәптә белем ала, аннан соң Калмашбаш урта мәктәбендә укый һәм аны алтын медальгә бетерә. Башкорт дәүләт университеты филология факультетының татар-рус бүлеген кызыл диплом белән тәмамлый.

Мәктәптә укыган һәм студент елларында аның мәкаләләре «Игенче» район газетасында, шулай ук «Башкортстан пионеры», «Кызыл таң», «Өмет» газеталары битләрендә басылып чыга. Дилбәр Булатова район гәзите оештырган «Яшь хәбәрчеләр» түгәрәгендә актив катнаша. 1995 елда, Башкорт дәүләт университетын тамамлагач, аны «Толпар» яшьләр журналына эшкә чакыралар. Бүгенге көндә ул шушы журналда бүлек мөдире булып эшли.

1994-1996 елларда «Толпар» журналы оештырган хикәя конкурсында җиңеп чыга. 2001 елда Казан шәһәрендә үтә торган «Иделем акчарлагы» яшьләр конкурсында призга лаек була. 2005 елда Башкортстан «Китап» нәшриятендә «Яшьләр тавышы» сериясендә аның «Туй» дип исемләнгән хикәяләр җыентыгы дөнья күрә. Китапның авторы үзе язуынча: «Бу китапта минем тормыш юлымда бөтен күргән-ишеткәннәрдән хикәяләр сырлы. Безнең тормыш көндә бәйрәм, көндә туй түгел, әмма безгә — кешеләргә аның һәр мизгеле кадерле һәм әһәмиятле».

Гаиләсе[үзгәртү | вики-текстны үзгәртү]

Дилбәр Данис кызы Булатованың тормыш иптәше — Сөләймәнов Рим Кәрим улы Иске Балак авылында туып үскән. Уфа нефть университетын тәмамлаган, төзелештә эшли. Дилбәр Данис кызы һәм Рим Кәрим улы ике бала — кызлары Гөлназ һәм уллары Азаматны тәрбияләп үстерәләр.

Бүләкләре, мактаулы исемнәре[үзгәртү | вики-текстны үзгәртү]

Китаплары[үзгәртү | вики-текстны үзгәртү]

  • Туй: Хикәяләр. Уфа, Башкортстан «Китап» нәшрияте, 2005. — 144 бит.
  • Таяныч. Әдәби-публицистик язмалар Уфа, 2009. — 152 бит.
  • Көлдән яралган гөл. Уфа, Башкортстан «Китап» нәшрияте, 2012.

Әдәби җыентыклары[үзгәртү | вики-текстны үзгәртү]

  • Иделем акчарлагы: Казан, Яшьләр өчен республика мәгълүмат үзәге, 2003.
  • Акчарлак: Альманах. Уфа, Башкортстан «Китап» нәшрияте, 2007.

Чыганаклар[үзгәртү | вики-текстны үзгәртү]

  • Писатели земли башкирской. Справочник / (сост.: Р. Н. Баимов, Г. Н. Гареева, Р. Х. Тимергалина). Переработанные и дополненное второе издание. — Уфа: Китап, 2015. — 672 с. ISBN 978-5-295-06338-1(рус.)(Тикшерелгән 7 ноябрь 2017)

Искәрмәләр[үзгәртү | вики-текстны үзгәртү]