Дэйвид Боггз
Дэйвид Ривз Боггз (1950 елда туган) – ул Америка Кушма Штатларыннан Интернет протоколларының, файл серверларының, челтәр шлюзларының һәм челтәр интерфейс карталарының иртә протоколларын эшләгән һәм Роберт Меткалфе һәм башкалар белән бергә Ethernet-ны (бу локаль компьютер челтәрләре даирәсе өчен технологияләрнең иң популяр гаиләсе) уйлап чыгарган электр һәм радио инженеры.
Биографиясе[үзгәртү | вики-текстны үзгәртү]
Боггз 1968 елда Вашингтон, Колумбия даирәсендә Вудро Вильсон Урта Мәктәбен тәмамлаган һәм шуннан соң Принстон Университетында укып 1972 елда электр инженерлык буенча инженерлыкта фән бакалавры дәрәҗәсенә ия булган. Шуннан соң ул XEROX PARC өйрәнү персоналына кушылган, анда ул Роберт Меткалф белән очрашкан, ул PARC Systems төркеме өчен Interface Message Processor-ны көйләү өстендә эшли торган булган. Боггсның һәвәскәр радио операторы буларак тәҗрибәсе шактый күп булып ул Меткалфе теорияләре һәм радио тапшыру технологияләре арасында охшашлык күргән һәм проектка кушылган. “The Economist” язганча: “Икәү бергә Ethernet-ны уйлап чыгарганнар, Мистер Меткалфе фикерләрне уйлап чыгарган һәм Мистер Боггз системаның ничек төзелүенең тәфсилләп планын корган.”