Евгений Пригожин

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Евгений Пригожин latin yazuında])
Евгений Пригожин
YevgenyPrigozhin.jpg
Туган телдә исем рус. Евгений Викторович Пригожин
Туган 1 июнь 1961(1961-06-01)[1][2] (61 яшь)
Санкт-Петербург, РСФСР, СССР
Ватандашлыгы Flag of Russia.svg Россия
Әлма-матер Санкт-Петербург дәүләт химия-фармацевтика академиясе[d][3] һәм Санкт-Петербургский колледж олимпийского резерва № 1[d][4]
Һөнәре ристаратыр, кейтеринг, российский олигарх, эшкуар
Җефет Пригожина, Любовь Валентиновна[d]
Балалар Полина Евгеньевна Пригожина[d], Павел Пригожин[d] һәм Вероника Пригожина[d]
Ата-ана
Катнашкан сугышлар/алышлар Россиянең Украинага бәреп керүе (2022)

Commons-logo.svg Евгений Пригожин Викиҗыентыкта

Евгений Викторович Пригожин (1961 елның 1 июне, Ленинград) — Россия бизнесмены, ресторатор, кейтеринг бизнесы хуҗасы. Пригожин компаниясе Россиядә дәүләтнең югары затларын тукландыруны оештыру белән шөгыльләнгән, шуның аркасында ММЧда «Путин пешекчесе» дигән исем алган[6][7].

«Деловой Петербург» басмасы үзенең 2019 елгы «миллиардерлар рейтингы»нда Евгения Пригожинны 72 нче урынга куйган[8]. 2016 елда «Город 812» басмасы версиясе буенча Санкт-Петербургның иң йогынтылы 30 кешесе исемлегенә кергән[9].

2016 елдан — АКШ санкцияләре астында, 2020 елдан — Аурупа берлеге һәм Бөекбритания[10], 2022 елдан — Канада[11] һәм Япония[12].

Тормыш юлы

Евгений Пригожин 1961 елның 1 июнендә Ленинградта туган. 1977 елда 62 нче спорт мәктәп-интернатын (хәзер 1 нче Олимпия резервы көллияте) тәмамлый. Чаңгы ярышлары белән шөгыльләнгән.

1979 елның 29 ноябрендә Ленинградның Куйбышев суды Пригожинны РСФСР Җинаять кодексының 15 һәм 144 маддәләре буенча 2 елга шартлы рәвештә ирегеннән мәхрүм иткән. 1981 елда Жданово суды аны РСФСР Җинаять кодексының «урлау», «талау», «караклык», «балигъ булмаганнарны җинаятьчелеккә тарту» маддәләре буенча 13 елга ирегеннән мәхрүм иткән[13][14]. 1988 елда аны кичерәләр һәм 1990 елда ул колония-поселениедән чыга.

РБК мәгълүматларына караганда, Пригожин «провизор-фармацевт» белгечлеге буенча Ленинград химия-фармацевтика институтын тәмамлаган.

1990 елда Ленинградта хот-дог сату челтәре оештыра[15]. 1993 елда «Контраст» супермаркетлар челтәре идарәчесе була. 1995 елда челтәр 10 кибеткә кадәр арткан. 1996 елның декабрендә партнёрлар белән бергә Петербургта РФА зоология институты бинасында беренче «Иске таможня» элита ресторанын ача[16].

1998 елның язында, финанс һәм сәяси элита арасында популяр урынга әверелгән «New Island» ресторанын ача. 1999 елның җәендә анда Сергей Степашин һәм ХВФ башлыгы-идарәчесе Мишель Камдессу очрашканнар. 2001 елда «New Island» бортында Россия һәм Франция Президентлары Владимир Путин һәм Жак Ширак кичке ашы уздырганнар. Биредә 2002 елның маенда Владимир Путин Джордж Буш-кечене кабул иткән, 2003 елның көзендә Путин суднода туган көнен билгеләп үткән.

2002 елдан 2012 елга кадәр «Блин-Дональтс» тиз туклану челтәрен үстергән. 2003 елда бер ресторанның ачылышында Санкт-Петербург губернаторы Владимир Яковлев һәм Чили Президенты Рикардо Лагос булганнар.

2000 нче еллардан төзелеш проектларында катнаша[17].

2018 елда Владимир Путин журналистларга биргән интервьюсында (NBC дан Мегин Келлига һәм ORF дан Армина Вольфуга) Пригожин белән шәхсән таныш булуын раслаган[18][19].

Гаилә

Өйләнгән. Балалары: улы Павел, кызы Полина[20].

2003 елда Пригожин Павел һәм Полина белән бергә «Индрагузик» әкиятләр китабын яза һәм аны 1000 данә тираж белән бастыра. Китап сатылмаган, ә югары дәрәҗәле һәм танылган кешеләргә бүләк итеп бирелгән[21].

Медиахолдинг

РБК журналын тикшерү буенча, 2017 елның июнендә Евгений Пригожин хакимияткә карата лояль позициядә торучы илдә иң эре медиахолдингларның берсен булдыру һәм финанслау артында торырга мөмкин. 2014 елның май-июнь айларында «Федераль яңалыклар агентлыгы» эшли башлый, ул вакытлар узу белән «Медиа фабрикасы» кебек танылган 16 яңалык сайтына кадәр үскән.

2017 елның февраленә басмаларның айлык аудиториясе 36 миллион кешегә җиткән, ул «РИА Новости» һәм «Комсомольская правда» күрсәткечләрен узып киткән[22]. Шул ук вакытта «Медиалогия» мониторинг системасы «Федераль яңалыклар агентлыгы»н Россия массакүләм мәгълүмат чаралары арасында цитаталылык буенча җиденче урынга куйган.

2019 елның 4 октябрендә Ачык медиа «Патриот» медиахолдингын төзү турында хәбәр иткән, аңа Медиа фабрикасы басмаларының бер өлеше кергән.

Чит илләр ягыннан санкцияләр

2016 елның 20 декабрендә Евгений Пригожин Украина сугышында Россиянең роле аркасында АКШ санкция исемлегенә кертелә[23]. Бу карарны шәрехләп, Пригожин санкцияләргә битараф каравын белдерә, чөнки аның бизнесы Аурупа һәм АКШ белән бәйле түгел[24]. 2017 елның июнендә киңәйтелгән санкция исемлегенә «Конкорд Кейтеринг» һәм «Конкорд Менеджмент һәм Консалтинг» компанияләре кертелә[25]. 2018 елның 16 февралендә АКШ махсус прокуроры Роберт Мюллер Евгений Пригожинга һәм тагын 12 Россия гражданына АКШ президентын сайлауга кысылыш турындагы эш буенча гаепләү белдергән[26].

2020 елның июлендә АКШ Финанс министрлыгы Пригожин белән бәйле өч Россия физик затына һәм Россия, Судан, Кытай һәм Гонконгтан биш компаниягә каршы санкцияләр кертә.

2020 елның октябрендә Аурупа берлеге Ливиядә эшләүче «ЧВК Вагнер» белән тыгыз элемтә өчен Пригожинга каршы шәхси санкцияләр кертә[27]

2018 елның февралендә Колумбия округының округ суды Пригожинны кулга алуга ордер бирә[28]. 2020 елның җәендә ФБР Пригожинны эзләү исемлегенә кертә, ә 2021 елның февралендә аны кулга алырга ярдәм иткән мәгълүмат өчен 250 мең АКШ доллары күләмендә бүләк вәгъдә иткән[29][30].

2022 елның мартында АКШ Пригожинга, аның хатынына, ике баласына һәм өч компаниягә каршы санкцияләр керткән[31].

Бүләкләр

  • IV дәрәҗә «Ватан алдындагы казанышлары өчен» ордены (2014 елның 22 мае) — ирешелгән хезмәт казанышлары, Россия Федерациясенең социаль-икътисадый үсешенә зур өлеш кертүе, космосны үзләштерүдә, гуманитар өлкәдә, законлылыкны ныгытуда, актив законнар чыгару һәм иҗтимагый эшчәнлектә, күпьеллык намуслы хезмәте өчен[32];
  • I һәм II дәрәҗә «Ватан алдындагы казанышлары өчен» ордены медале кавалеры;
  • «Санкт-Петербургның 300 еллыгы истәлегенә» медале.

Искәрмәләр

  1. ↑ Бурная молодость «кремлевского ресторатора» — Росбалт, 2018.
  2. ↑ MAK
  3. ↑ http://whoiswho.dp.ru/cart/person/93639/
  4. ↑ http://www.forbes.ru/kompanii/potrebitelskii-rynok/235779-rassledovanie-kak-lichnyi-kulinar-putina-nakormit-rossiiskuyu-a
  5. ↑ 5,0 5,1 https://www.idnes.cz/zpravy/zahranicni/jevgenij-prigozin-majetek-luxus-kone-umeni-obchody-sankce.A230427_084315_zahranicni_pitt
  6. ↑ СМИ: Евгений Пригожин был на переговорах Шойгу с ливийским маршалом. Русская служба BBC (2018-11-09). 2019-04-05 тикшерелгән.
  7. ↑ FBI Adds ‘Putin’s Chef’ to Wanted List, Offers $250K Reward (2021-02-26).
  8. ↑ Деловой Петербург: Справочник «Кто есть кто»: Пригожин Евгений Викторович. Деловой Петербург. 2021-12-31 тикшерелгән.
  9. ↑ Самые влиятельные люди Петербурга - 2016 (2017-01-30). 2017-06-21 тикшерелгән.
  10. ↑ Великобритания следом за ЕС ввела санкции против бизнесмена Пригожина.
  11. ↑ Канада вводит санкции против Грефа, Шувалова, Пригожина, Ротенбергов, 351 депутата Госдумы (версия 2). әлеге чыганактан 2022-04-21 архивланды. 2022-05-15 тикшерелгән.
  12. ↑ Япония ввела санкции против 17 граждан РФ. В список вошли основатель "Реновы" Вексельберг, родственники Ковальчука и глава КПРФ Зюганов.
  13. ↑ Росбалт 21.09.2018 Илья Давлятчин Бурная молодость «кремлевского ресторатора» 2018 елның 22 сентябрь көнендә архивланган.
  14. ↑ За что в 1981 году в СССР судили Евгения Пригожина, которого теперь весь мир знает как «повара Путина». Публикуем текст судебного документа.
  15. ↑ Евгений Вышенков (2011-02-28). «С каждого ларька платил по 100 долларов бандитам». Online812. әлеге чыганактан 2012-06-04 архивланды. 2017-06-21 тикшерелгән.
  16. ↑ Вера Кочеткова (2009-03-18). Богатые люди Петербурга: Евгений Пригожин. Деловой Петербург. 2018-03-04 тикшерелгән.
  17. ↑ Мария Тирская (2012-04-25). Евгений Пригожин отсудил право на застройку. Деловой Петербург. 2017-06-21 тикшерелгән.
  18. ↑ Интервью американскому телеканалу NBC«Кремлин.ру», 10.03.2018 2018 елның 16 июнь көнендә архивланган.
  19. ↑ 6 жестких вопросов Путину: о Пригожине, MH17 и фотографиях топлесРусская служба BBC, 05.06.2018 2018 елның 21 июль көнендә архивланган.
  20. ↑ Татьяна Прогацкая. «ДП» изучил, кто и сколько зарабатывает на строительстве «энергетических» пирамид. Деловой Петербург. 2017-06-21 тикшерелгән.(үле сылтама)
  21. ↑ Ресторатор Пригожин знает все об индрагузиках. 2020-06-18 тикшерелгән.
  22. ↑ Андрей Захаров, Полина Русяева (2017-03-24). Расследование РБК: как из «фабрики троллей» выросла «фабрика медиа». РБК. 2017-06-21 тикшерелгән.
  23. ↑ Пригожин и Ковальчук попали под американские санкции. Meduza (2016-12-20). 2017-06-21 тикшерелгән.
  24. ↑ Ресторатор Пригожин прокомментировал введение против него санкций США. РИА Новости (2016-12-21). 2017-06-21 тикшерелгән.
  25. ↑ США ввели санкции против российского холдинга Concord-Catering. РИА Новости (2017-06-20). 2017-06-21 тикшерелгән.
  26. ↑ Минюст США предъявил обвинение 13 россиянам по делу о «вмешательстве в выборы». Russia Today (2018-02-16). 2018-02-16 тикшерелгән.
  27. ↑ Council Implementing Regulation (EU) 2020/1481 of 14 October 2020 implementing Article 21 (2) of Regulation (EU) 2016/44 concerning restrictive measures in view of the situation in Libya (15.10.20).
  28. ↑ TV Rain Inc (2021-02-26). ФБР объявило награду в 250 тысяч долларов за информацию о бизнесмене Пригожине. 2021-02-26 тикшерелгән.
  29. ↑ TV Rain Inc (2021-02-26). ФБР объявило награду в 250 тысяч долларов за информацию о бизнесмене Пригожине. 2021-02-26 тикшерелгән.
  30. ↑ YEVGENIY VIKTOROVICH PRIGOZHIN. 2021-02-27 тикшерелгән.
  31. ↑ FACT SHEET: The United States Continues to Target Russian Oligarchs Enabling Putin’s War of Choice (2022-03-03). “Yevgeniy Prigozhin (His three companies, his wife, Polina, his daughter Lyubov, and his son Pavel),”
  32. ↑ Указ Президента Российской Федерации от 22 мая 2014 года № 357 «О награждении государственными наградами Российской Федерации».

Сылтамалар

Чыганагы — https://tt.wikipedia.org/w/index.php?title=Евгений_Пригожин&oldid=3888821