Евгений Сухов

Евгений Сухов
Туган	25 июль 1959(1959-07-25) (67 яшь) Потсдам, Демократик Алмания Җөмһүрияте
Ватандашлыгы	ССРБ  Россия
Әлма-матер	Казан (Идел буе) федераль университеты
Һөнәре	язучы
Эш бирүче	Казан (Идел буе) федераль университеты
Гыйльми дәрәҗә:	геология-минералогия фәннәре докторы[d]

Евгений Сухов, Евгений Евгений улы Сухов (рус. Евгений Евгеньевич Сухов; 1959 елның 25 июле, Германия, Потсдам) ― тарихи һәм криминаль детектив жанрында эшләүче язучы, фәннәр докторы (2007), 2013 елга кадәр Казан дәүләт университеты доценты. Державин премиясе лауреаты (2025). Төрле жанрдагы әсәрләр иҗат итә: тарихи, криминаль, классик детектив әсәрләр; тарихи криминаль романнарга өстенлек бирә.

Биография

Евгений Евгеньевич Сухов 1959 елда Германиядә туган. Ул үзенең беренче хикәясен 8 яшендә язган. 15 яшендә «Комсомолец Татарстана» газетасы битләрендә беренче мәкаләсе дөнья күрә. Шул вакыттан алып мәкаләләре җирле матбугатта даими басылып тора.

1982 елда "Вечерняя Казань" газетасында Сахалин утравындагы геологик практика турында көндәлек язмалары басыла.

Мәктәпне тәмамлагач, ул бер ел заводта эшли, аннары Казан университетының геология факультетына укырга керә. Студент елларында ул көндәлек алып бара, соңрак ул андагы материалны әсәрләр язганда куллана. Университетта укыганда ул сугыш сәнгатен, аеруча дзюдоны үз итә. Нәтиҗәләр озак көттерми, аны Динамо клубына уйнарга чакыралар.

Университетны тәмамлагач, ул тарихи геология һәм палеонтология кафедрасына билгеләнә. Фәнни тикшеренүләре вакытында бөтен Советлар Союзын әйләнеп чыга.

Казан университетының геология факультетында укыта.

2013 елдан ул Вена шәһәрендә яши. 2018 елның җәеннән ул Facebook һәм Инстаграмда шәхси блог алып бара.

Фәнни эшчәнлеге

Геология буенча кандидатлык, 2007 елда докторлык диссертациясен яклый.

Иҗаты

Аның хикәяләре һәм повестьлары Татарстанда чыга торган бик күп газета һәм журналларда, үзәк матбугатта дөнья күрә. Сиксәненче еллар азагында Евгений Сухов профеccиональ язучы булып җитешә: легендар ат карагы Шәкүр Рәхимов турындагы «Девяносто девятая смерть» исемле документаль повесте "Казанские ведомости" газетасында басылып чыкты.

Евгений Суховның кайбер әсәрләре (мәсәлән, «Алмазы Сталина») экранлаштырыла, кайберләре документаль тапшырулар өчен кулланыла.

Библиография

Бүгенге көндә авторның әдәби биографиясендә 130 га якын роман бар, гомуми тиражы ун миллионнан артык. Аның күпчелек китаплары сериядә тупланган:

• • «Русь окаянная»;
  • «Алмазы Сталина»;
  • «СМЕРШ — спецназ Сталина»;
  • «Расследования криминального репортера»;
  • «Медвежатник»;
  • «Червонные валеты»;
  • «Дела следователя Воловцова»;
  • «Сомалийские пираты».

Күпчелек әсәрләре реаль вакыйгаларга нигезләнгән, бу аларны тагын да ышанычлырак һәм кызыклырак итә.

2024 елда «Наука» нәшриятында 3 мең данә тираж белән «Скитания чудотворной» өч томлы тарихи детективы басылган (рәссамы Ильяс Айдаров). Трилогия 1579 елда Казанда могҗизалы рәвештә пәйда булган Казан Мәрьям Ана иконасына багышланган.

Бүләкләре, мактаулы исемнәре

• 2024 ― Фазыл Искәндәр исемендәге Халыкара премия номинанты
• 2025 ― Державин премиясе ― «Скитания Чудотворной» тарихи трилогиясе өчен

Шәхси тормышы

Өйләнгән, ике улы, кызы бар. Хобби буларак, минераллар җыя. Университетта укыган вакытта дзюдода зур уңышларга ирешкән, хәзер дә спортны ташламаган. Соңгы елларда гаиләсе белән Австриядә яши.

Сылтамалар

• Евгений Евгеньевич Сухов. Союз писателей Татарстана