Зинаида Смирнова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Зинаида Смирнова latin yazuında])
Навигациягә күчү Эзләүгә күчү
Зинаида Смирнова
Туган телдә исем Зинаида Ивановна Смирнова
Туган 4 октябрь 1923(1923-10-04) (97 яшь)
Мәскәү
Һөнәре совет санинструкторы

Зинаида Ивановна Смирнова (1923 елның 4 октябре, Мәскәү) — совет санинструкторы, медицина хезмәте гвардиясе старшинасе, Бөек Ватан сугышында катнашучы, Ленин (1944), Кызыл Байрак орденнары, Флоренс Найтингейл исемендәге медаль һәм башка медальләр белән бүләкләнгән[1][2][3]. Бендер шәһәренең Мактаулы гражданины(1974)[1][2][3].

Бөек Ватан сугышы елларында 600 дән артык яраланган солдат һәм офицерны сугыш кырыннан алып чыга[2].


Биографиясе[үзгәртү | вики-текстны үзгәртү]

Зинаида Ивановна 1923 елның 4 октябрендә Мәскәү шәһәрендә туа, аннары 1937 елда гаиләсе белән Куйбышев шәһәренә күчеп килә. Зинаида Смирнова мәктәптә укый, сандружинниклар һәм шәфкать туташлары курсларында укый. Бөек Ватан сугышы башланганда Зинаида унсигез яшь тулмаган була, 1941 елның 16 июлендә Кызыл Армия сафларына алына[3]. Санинструкторлар әзерлек курсын үтеп, бер айдан фронтка озатыла, Смоленск оборонасында катнаша , Мәскәү янында сугышта катнаша, Сталинград урамнарыннан яралы сугышчыларны чыгара һәм медицина ярдәме күрсәтә.[2]. Аннары Зинаида Ивановна Смирнова-санинструктор, старшина медицина хезмәте гвардиясе 15 нче гвардия Кызыл Байрак укчылар дивизиясенә күчерелде[1]. Харьков, Кривой Рог һәм башка шәһәрләрне азат итә. 1943 елдан башлап Зинаида Ивановна ВКП(б) әгъзасы булып тора)[1].

1944 елның апрелендә, Днестрның уң як ярында хәрби хәрәкәтләр вакытында станок пулеметыннан Варница Смирнова 20 немец солдатын һәм офицерын юк итә һәм кырдан 20дән артык яраланган совет солдатын һәм офицерын чыгара.[1]. Варницк плацдармдагы батырлыгы өчен Ленин ордены белән бүләкләнә.[1].

Зинаида Ивановна Смирнова кырдан 600дән артык яраланган совет солдатын һәм офицерын алып чыга, үзе алты мәртәбә яралана, шул исәптән өч авыр яра ала, һәм ике контузия ала, госпитальдә дәвалана. Кызыл Байрак ордены һәм медальләр белән бүләкләнә. 1944 елның октябрендә госпитальдән алтынчы (өченче — авыр) яраланганнан соң, сугыш инвалид документын ала. Аннары Куйбышев шәһәренә кайта. Зинаида Ивановна институтны тәмамлый,Куйбышев өлкәсенең Ставрополь шәһәрендә юридик консультациядә адвокат булып эшли.[2][1].

1971 елда Флоренс Найтингейл исемендәге медаль белән бүләкләнә[3], 1974 елда Смирнова Зинаида Ивановнага "Бендер шәһәренең Мактаулы гражданины" дигән мактаулы исем бирелә[1].

Бүләкләре[үзгәртү | вики-текстны үзгәртү]

башка медальләр,

  • Бендер шәһәренең Мактаулы гражданины.

Искәрмәләр[үзгәртү | вики-текстны үзгәртү]

Чыганаклар[үзгәртү | вики-текстны үзгәртү]