Иван Егоров
| Иван Егоров | |
|---|---|
 | |
| Туган телдә исем | Иван Михаил улы Егоров |
| Туган | 21 гыйнвар 1961 (63 яшь) ТАССР Мамадыш районы Җөри авылы |
| Милләт | татар |
| Ватандашлыгы |  ССРБ→ Русия |
| Һөнәре | холдинг җитәкчесе |
| Балалар | өч баласы |
| Бүләк һәм премияләре | 
  |
Иван Егоров, Иван Михаил улы Егоров (21 гыйнвар 1961, Татарстан Республикаһы Мамадыш районы, Җөри авылы) — ширкәт җитәкчесе, иҗтимагый эшлекле. «Ак Барс» Холдинг компаниясе» ачык акционерлык җәмгыяте генераль директоры (2012). ТР Дәүләт Советының IV-VI чакырылыш депутаты. Татарстан Республикасы азык-төлек сәнәгатенең атказанган хезмәткәре, Татарстан Республикасы Автомобиль спорты федерациясе һәм Татарстан Республикасы Самбо федерациясе президенты.
Тәрҗемәи хәле[үзгәртү | вики-текстны үзгәртү]
1961 елның 21 январенда ТАССР Мамадыш районы Җөри авылында туган. «Башлангыч хәрби белем һәм бәдән тәрбиясе» белгечлеге буенча Казан дәүләт педагогия институтын (1987) һәм «менеджмент» белгечлеге буенча Мәскәү коммерция академиясен (1994) тәмамлый.
Хәрби хезмәтен Әфганстан сугышында разведка-десант ротасының десант-һөҗүм взводы командиры урынбасары булып үтә.
«Башлангыч хәрби белем һәм физик тәрбия» белгечлеге буенча Казан дәүләт педагогика институтын (1987), Мәскәү коммерция академиясен «менеджмент» (1994) белгечлеге буенча тәмамлый. Эшлекле идарә итү магистры дәрәҗәсе бар.
1987 елдан алып 1996 елга кадәр сәүдә һәм җәмәгать туклануы өлкәсендә җитәкче урыннарда эшли. 1996-2002 елларда – «Татспиртпром» җитештерү берләшмәсе филиалы «Усады спирт заводы» дәүләт унитар предприятиесе директоры.
2002 елдан — Татарстанның сәнәгать, төзелеш, авыл хуҗалыгы, азык-төлек, транспорт һәм сәүдә предприятиеләре төркеме идарәче компаниясе «Ак Барс» холдинг компаниясе» ААҖ генераль директоры. 1998 елда «АК БАРС» Банкның бүлендек структурасы буларак, аның Сәүдә-сәнәгать активлары белән профессиональ идарә итү өчен нигез салына. Холдинг составында 80 гә якын предприятие бар (хезмәткәрләрнең гомуми саны 40 меңнән артык кеше һәм еллык әйләнеше — 90 млрд. сумнан артык), шул исәптән «Ак Барс» судно төзү корпорациясе составына кергән А. М. Горький исемендәге Яшел Үзән заводы.
2009 елның мартыннан — Тататрстан Республикасы бишенче чакырылыш Дәүләт Советы депутаты[1]
Бердәм Россия партия әгъзасы[2], Татарстан Республикасы Дәүләт Советында «Бердәм Россия» фракциясе әгъзасы. Татарстан Республикасы Дәүләт Советының мәдәният, фән, мәгариф һәм милли мәсьәләләр комитеты әгъзасы. Төньяк Кавказ төбәге территориясендә Әфганстан Республикасында хәрби хәрәкәтләр ветераннары һәм террорчылыкка каршы операцияләр мәсьәләләре буенча Татарстан Республикасы Министрлар Кабинетының координация советы рәисе.
Иҗтимагый эшчәнлеге[үзгәртү | вики-текстны үзгәртү]
- 2009-2014 ТР Дәүләт Советының IV чакырылыш депутаты.
- 2014 елның октябреннан ТР Дәүләт Советының V чакырылыш депутаты[3].
- Татарстан Республикасының автомотоспорт, самбо федерацияләре президенты.
- Татарстан Республикасы керәшен иҗтимагый оешмасының идарә җитәкчесе.[4].
- Керәшеннәрнең «Бәрмәнчек» дәүләт ансамблен оештыруда[5], Тихвин чиркәвен яңартуда ярдәм итә.
- 2019 елның 9 сентябреннан ТР Дәүләт Советының VI чакырылыш депутаты[6].
Гаилә хәле[үзгәртү | вики-текстны үзгәртү]
Өйләнгән, өч бала тәрбияли.
Кызыклы факт[үзгәртү | вики-текстны үзгәртү]
2011 елда «Татарстанның 50 иң тәэсирле шәхесе» исемлегендә 38- урынны били[7].
Бүләкләре, мактаулы исемнәре[үзгәртү | вики-текстны үзгәртү]
- Татарстан Республикасы азык-төлек сәнәгатенең атказанган хезмәткәре.
- Кызыл Йолдыз ордены (1981).
- «Казанның 1000 еллыгы» медале (2005).
- «Россиянең агросәнәгать комплексы үсешендәге хезмәтләре өчен» алтын медале (2008).
- II дәрәҗә «Ватан алдындагы хезмәтләре өчен» ордены.
- Ветераннарга ярдәме һәм яшьләр белән эшчәнлеге өчен Россия Федерациясе президентының Рәхмәт хаты (2009).
- Россия Федерациясе Эчке эшләр министрлыгының «Тугърылык өчен» билгесе (2009).
Искәрмәләр[үзгәртү | вики-текстны үзгәртү]
- ↑ Депутаты Государственного Совета Республики Татарстан шестого созыва, archived from the original on 2020-02-25, retrieved 2022-01-25
- ↑ И. М. Егоров в единой базе депутатов партии «Единая Россия»
- ↑ ТР эшлекле үзәге сайтында
- ↑ «Кряшены — это часть меня…» Интервью с Председателем Правления общественной организации кряшен Татарстана Иваном Егоровым
- ↑ Матбугат.ру сайтында
- ↑ Егоров Иван Михайлович. 2019 елның 21 сентябрь көнендә архивланган. ТР ДШ сайты
- ↑ Татарстанның 50 иң тәэсирле шәхесе
Сылтамалар[үзгәртү | вики-текстны үзгәртү]
- «Ак Барс» холдинг компаниясе» ААҖ сайты 2016 елның 6 август көнендә архивланган.
- Официальная страница И. М. Егорова на сайте ФАМС РТ
- И. М. Егоров 2022 елның 25 гыйнвар көнендә архивланган. в Справочнике персоналий на сайте Официальный Татарстан
- «Мистрали» по-зеленодольски: Иван Егоров станет главным по вертолетоносцам?
- Кряшены Татарстана: "Мы - очень скромный народ"
Шулай ук карагыз[үзгәртү | вики-текстны үзгәртү]
Татарстан Республикасы Дәүләт Советының 6 нчы чакырылыш депутатлары (2019-2024) | ||
|---|---|---|
| Җитәкчелек: |
|  |
| Президиум: | ||
| Комитет 1: Дәүләт корылышы һәм җирле үзидарә | ||
| Комитет 2: Бюджет, салымнар һәм финанс | ||
| Комитет 3: Икътисад, инвестицияләр һәм эшкуарлык | ||
| Комитет 4: Торак сәясәте һәм инфраструктура үсеше | ||
| Комитет 5: Экология, табигатьтән файдалану, агросәнәгать һәм азык-төлек сәясәте | ||
| Комитет 6: Законлылык һәм хокук тәртибе | ||
| Комитет 7: Социаль сәясәт | ||
| Комитет 8: Мәгариф, мәдәният, фән һәм милли мәсьәләләр | ||
| Комиссия 1: Керемнәре, мөлкәте һәм мөлкәти характердагы йөкләмәләре турында Татарстан Республикасы Дәүләт Советы депутатлары тарафыннан тапшырыла торган белешмәләрнең дөреслеген тикшереп тору | ||
| Комиссия 2: Дәүләт Советы депутаты этикасы кагыйдәләрен үтәү буенча комиссиясе | ||
| Комиссия 3: Татарстан Республикасы законнарының татар һәм рус телләрендәге текстлары тәңгәллеген билгеләү | ||
Калып:Татарстан Республикасы Дәүләт Советының 5 нче чакырылыш депутатлары (2014-2019) Калып:Татарстан Республикасы Дәүләт Советының 4 нче чакырылыш депутатлары (2009-2014)
- 21 гыйнвар көнне туганнар
- 1961 елда туганнар
- Әлифба буенча шәхесләр
- Мамадыш районында туганнар
- Кызыл Йолдыз ордены кавалерлары
- 2 дәрәҗә "Ватан алдында казанышлары өчен" ордены кавалерлары
- «Казанның 1000 еллыгы истәлегенә» медале белән бүләкләнүчеләр
- Татарстанның фән һәм техника өлкәсендәге Дәүләт бүләге лауреатлары
- Татарстан Республикасы Дәүләт Советының 6 нчы чакырылыш депутатлары
- Ширкәт җитәкчеләре
- Казан оешмалары җитәкчеләре
- «Казанның меңьеллыгы хөрмәтенә» медале белән бүләкләнүчеләр
- Бердәм Россия фиркасе әгъзалары
- II дәрәҗә «Ватан алдында казанышлар өчен» орденының медале белән бүләкләнгәннәр