Иван Егоров

Иван Егоров
Иван Егоров
Туган телдә исем	Иван Михаил улы Егоров
Туган	21 гыйнвар 1961 (58 яшь); ТАССР Мамадыш районы Җөри авылы
Милләт	татар
Ватандашлыгы	ССРБ→; Русия
Һөнәре	холдинг җитәкчесе
Балалар	өч баласы
Бүләк һәм мөкәфәтләре

Бу терминның башка аңлатмалары да бар, аларны карау өчен Егоров битенә күчегез.

Иван Егоров, Иван Михаил улы Егоров — ширкәт җитәкчесе, иҗтимагый эшлекле. «Ак Барс» Холдинг компаниясе» ачык акционерлык җәмгыяте генераль директоры (2012). ТР Дәүләт Советының IV-V чакырылыш депутаты. Татарстан Республикасы азык-төлек сәнәгатенең атказанган хезмәткәре.

Эчтәлек

ТР Дәүләт шурасы депутаты И.М. Егоров (с) кабул итү вакытында

1961 елның 21 январенда ТАССР Мамадыш районы Җөри авылында туган. «Башлангыч хәрби белем һәм бәдән тәрбиясе» белгечлеге буенча Казан дәүләт педагогия институтын (1987) һәм «менеджмент» белгечлеге буенча Мәскәү коммерция академиясен (1994) тәмамлый.
Хәрби хезмәтен Әфганстан сугышында разведка-десант ротасының десант-һөҗүм взводы командиры урынбасары булып үтә.

1987 елдан алып 1996 елга кадәр сәүдә һәм җәмәгать туклануы өлкәсендә җитәкче урыннарда эшли.
1996-2002 елларда – «Татспиртпром» җитештерү берләшмәсе филиалы «Усады спирт заводы» дәүләт унитар предприятиесе директоры.
2002 елдан «Ак Барс» холдинг компаниясе» ачык акционерлык җәмгыяте генераль директоры.

2009-2014 ТР Дәүләт Советының IV чакырылыш депутаты.
2014 елның октябреннан ТР Дәүләт Советының V чакырылыш депутаты^[1].
Татарстан Республикасының автомотоспорт, самбо федерацияләре президенты.
Татарстан Республикасы керәшен иҗтимагый оешмасының идарә җитәкчесе.
Керәшеннәрнең «Бәрмәнчек» дәүләт ансамблен оештыруда^[2], Тихвин чиркәвен яңартуда ярдәм итә.

Өйләнгән, өч бала тәрбияли.

2011 елда «Татарстанның 50 иң тәэсирле шәхесе» исемлегендә 38- урынны били^[3].

Татарстан Республикасы азык-төлек сәнәгатенең атказанган хезмәткәре.
Кызыл Йолдыз ордены (1981).
«Казанның 1000 еллыгы» медале (2005).
«Русиянең агросәнәгать комплексы үсешендәге хезмәтләре өчен» алтын медале (2008).
II дәрәҗә «Ватан алдындагы хезмәтләре өчен» ордены.
Ветераннарга ярдәме һәм яшьләр белән эшчәнлеге өчен Русия Федерациясе президентының Рәхмәт хаты (2009).
Русия Федерациясе Эчке эшләр министрлыгының «Тугърылык өчен» билгесе (2009).